ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಟೀಂ ಇಂಡಿಯಾ ತಂಡದ ನಾಯಕ ವಿರಾಟ್ ಕೊಹ್ಲಿಯ ಪತ್ನಿ ಎನ್ನುವುದು ಎಲ್ಲರಿಗೂ ಗೊತ್ತಿದೆ.
ಆದರೆ ಗೂಗಲ್ ಹುಡುಕಾಟವು ಅನುಷ್ಕಾ ಶರ್ಮಾ ಅವರನ್ನು ಅಫ್ಘಾನಿಸ್ತಾನ ಕ್ರಿಕೆಟಿಗ ರಶೀದ್ ಖಾನ್ ಅವರ ಪತ್ನಿ ಎಂದು ತೋರಿಸುತ್ತಿದೆ.
ಅನುಷ್ಕಾ ಶರ್ಮಾ ಜನಪ್ರಿಯ ಹೆಸರು. ಕ್ರಿಕೆಟಿಗ 'ರಶೀದ್ ಖಾನ್ ಅವರ ಪತ್ನಿ' ಎಂದು ಯಾರಾದರೂ ಹುಡುಕಿದಾಗ ಗೂಗಲ್ ಸರ್ಚ್ ಎಂಜಿನ್ ಇತ್ತೀಚೆಗೆ ಹುಡುಕಾಟದಲ್ಲಿ ಅನುಷ್ಕಾ ಶರ್ಮಾ ಹೆಸರನ್ನು ತೋರಿಸಿದೆ.
ಅನುಷ್ಕಾ ಶರ್ಮಾ ಅವರು ಭಾರತೀಯ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿಯನ್ನು ಮದುವೆಯಾಗಿದ್ದಾರೆ, ಆದರೆ ಅಫ್ಘಾನಿಸ್ತಾನ ಕ್ರಿಕೆಟಿಗ ರಶೀದ್ ಖಾನ್ ಅವರ ಹೆಂಡತಿಯ ಹೆಸರನ್ನು ಹುಡುಕುವಾಗ ಅನುಷ್ಕಾ ಹೆಸರು ಕಂಡು ಬರುತ್ತಿದೆ.
ಕೆಲವು ವರ್ಷಗಳ ಹಿಂದೆ ಸಂದರ್ಶನವೊಂದರಲ್ಲಿ ರಶೀದ್, ಅನುಷ್ಕಾ ಶರ್ಮಾ ಮತ್ತು ಪ್ರೀತಿ ಜಿಂಟಾ ಅವರು ತಮ್ಮ ನೆಚ್ಚಿನ ನಟಿಯರು ಎಂದು ಹೇಳಿದ್ದರು. ಇದೇ ಕಾರಣಕ್ಕಾಗಿ ಹೀಗಾಗಿದೆ ಎನ್ನಲಾಗಿದೆ. ಅಸಲಿಗೆ ರಶೀದ್ ಖಾನ್ ಈಗಲೂ ಅವಿವಾಹಿತ.