ಈ ಹಿಂದೆ ಪತ್ನಿಗೆ ಹಿಂಸೆ ನೀಡಿದ್ದಾರೆಂಬ ಆರೋಪದಡಿ ಜೈಲು ಸೇರಿದ್ದ ನಟ ದರ್ಶನ್ ತೂಗುದೀಪ್ ವಿರುದ್ಧ ಇದೀಗ ಹೊಸ ಆರೋಪವೊಂದು ಕೇಳಿ ಬಂದಿದೆ. ಹಿಂದೆ ನಟಿ ನಿಕಿತಾ ತುಕ್ರಾಲ್ ಜೊತೆ ಚಾಲೆಂಜಿಂಗ್ ಸ್ಟಾರ್ ಹೆಸರು ಕೇಳಿ ಬಂದಿತ್ತು.ಆದ್ರೀಗ ಸ್ಯಾಂಡಲ್ ವುಡ್ ನಟಿ ಪವಿತ್ರಾ ಗೌಡ ಜೊತೆ ದರ್ಶನ್ ಹೆಸರು ತಗ್ಲಾಕ್ಕೊಂಡಿದೆ.
ದರ್ಶನ್ ಪವಿತ್ರಾ ಗೌಡ ಜೊತೆ ಸಂಬಂಧವಿಟ್ಟುಕೊಂಡಿದ್ದಾರೆ ಅನ್ನೋ ಗುಸುಗುಸು ಈಗಾಗಲೇ ಸ್ಯಾಂಡಲ್ ವುಡ್ ಅಂಗಳದಲ್ಲಿ ಹರಿದಾಡುತ್ತಿದೆ.ಚಂದನವನದ ಕೆಲವರಿಗೂ ಕಿವಿಗೂ ಈ ಸುದ್ದಿ ಬಿದ್ದಿದೆಯಂತೆ.ಆದ್ರೆ ಈವರೆಗೂ ದರ್ಶನ್ ಆಗಲಿ ಇಲ್ಲಾ ಪವಿತ್ರಾ ಗೌಡ ಅವರಾಗಲೀ ಈ ಸುದ್ದಿ ಬಗ್ಗೆ ಎಲ್ಲೂ ಬಾಯ್ಬಿಟ್ಟಿಲ್ಲ. ಆದ್ರೆ ಈ ಸುದ್ದಿ ದರ್ಶನ್ ರನ್ನು ಮತ್ತೊಂದು ವಿವಾದ ಸುಳಿಯಲ್ಲಿ ಸಿಲುಕಿಸುವ ಸೂಚನೆಯಂತೂ ಕೊಟ್ಟಿದೆ.
ಇನ್ನು ಸದ್ಯ ದರ್ಶನ್ ವಿರಾಟ್ ಸಿನಿಮಾದ ಡಬ್ಬಿಂಗ್ ಕಾರ್ಯದಲ್ಲಿ ತೊಡಗಿದ್ದಾರೆ. ಮೊನ್ನೆಯಷ್ಟೇ ಮನೆಯ ಜಿಮ್ ನಲ್ಲಿ ವರ್ಕೌಟ್ ಮಾಡುತ್ತಿದ್ದ ವೇಳೆ ದರ್ಶನ್ ಎಡಗೈಗೆ ಪೆಟ್ಟಾಗಿತ್ತು. ಹಾಗಾಗಿ ಕೆಲ ದಿನ ದರ್ಶನ್ ವಿಶ್ರಾಂತಿ ಪಡೆದುಕೊಂಡಿದ್ದರು. ಇದೀಗ ಮತ್ತೆ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ.