ರೆಬಲ್ ಸ್ಟಾರ್ ಅಂಬರೀಶ್ ಸ್ಟೈಲ್ ನಲ್ಲಿ ಆವಾಜ್ ಹಾಕಿದ ಅಭಿಷೇಕ್

ಬೆಂಗಳೂರು: ರೆಬಲ್ ಸ್ಟಾರ್ ಅಂಬರೀಶ್ ತಮ್ಮ ಅಭಿಮಾನಿಗಳಿಗೆ ಪ್ರೀತಿಯಿಂದ ಆವಾಜ್ ಹಾಕುತ್ತಿದ್ದ ಶೈಲಿ ಎಲ್ಲರಿಗೂ ಗೊತ್ತೇ ಇದೆ. ತಮ್ಮ ಅಭಿಮಾನಿಗಳು ಪ್ರೀತಿಯಿಂದಲೇ ನೋಡಿಕೊಳ್ಳುವ ಅಂಬಿ ಸ್ಟೈಲ್ ನ್ನು ಈಗ ಎಲ್ಲರೂ ಮಿಸ್ ಮಾಡಿಕೊಳ್ಳುತ್ತಿದ್ದಾರೆ.

ಆದರೆ ಅವರ ಪುತ್ರ ಜ್ಯೂ.ರೆಬಲ್ ಸ್ಟಾರ್ ಅಭಿ ಈಗ ತಂದೆಯದ್ದೇ ಸ್ಟೈಲ್ ನಲ್ಲಿ ಅಭಿಮಾನಿಗಳಿಗೆ ಆವಾಜ್ ಹಾಕಿರುವ ವಿಡಿಯೋವೊಂದು ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿದ್ದ ಅಭಿಯನ್ನು ಪುಟಾಣಿಯೊಬ್ಬ ಅಂಕಲ್ ಎಂದು ಜೋರಾಗಿ ಕೂಗುತ್ತಾನೆ. ಇದನ್ನು ಕೇಳಿಸಿಕೊಂಡ ಅಭಿ ‘ಏಯ್.. ಯಾರೋ ಅಂಕಲ್’ ಎಂದು ಥೇಟ್ ಅಂಬಿ ಸ್ಟೈಲ್ ನಲ್ಲೇ ಆವಾಜ್ ಹಾಕುತ್ತಾರೆ. ಇದನ್ನು ಕೇಳಿಸಿಕೊಂಡವರೆಲ್ಲಾ ನಗುತ್ತಿದ್ದರೆ, ಅಭಿ ತನ್ನನ್ನು ಕರೆದ ಹುಡುಗನನ್ನು ಪಕ್ಕ ಕರೆದು ಮುದ್ದು ಮಾಡುತ್ತಾರೆ. ಈ ವಿಡಿಯೋ ಈಗ ವೈರಲ್ ಆಗಿದೆ.