ನೂರು ಕೋಟಿ ಕ್ಲಬ್ ಸೇರಿ ದಾಖಲೆ ಮಾಡಿದ ಆಡು ಜೀವತಂ ಸಿನಿಮಾ

ಕೊಚ್ಚಿ: ಪೃಥ್ವಿ ರಾಜ್ ಸುಕುಮಾರನ್ ನಾಯಕರಾಗಿರುವ ಮಲಯಾಳಂ ಸಿನಿಮಾ ಆಡು ಜೀವಿತಂ ಬಾಕ್ಸ್ ಆಫೀಸ್ ನಲ್ಲಿ 100 ಕೋಟಿ ರೂ. ಗಳಿಕೆ ಮಾಡಿ ಹೊಸ ದಾಖಲೆ ಮಾಡಿದೆ.

ಪೃಥ್ವಿ ರಾಜ್ ಸಿನಿಮಾ 8 ದಿನಗಳಲ್ಲಿ 100 ಕೋಟಿ ರೂ. ಗಳಿಕೆ ಮಾಡಿದೆ. ಈ ಮೂಲಕ ಅತೀ ಕಡಿಮೆ ಸಮಯದಲ್ಲಿ 100 ಕೋಟಿ ರೂ. ಗಳಿಕೆ ಮಾಡಿದ ಮೊದಲ ಸಿನಿಮಾ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಮಾರ್ಚ್ 28 ಕ್ಕೆ ಸಿನಿಮಾ ಬೇರೆ ಬೇರೆ ಭಾಷೆಗಳಲ್ಲಿ ಬಿಡುಗಡೆಯಾಗಿತ್ತು.

ಈ ಸಿನಿಮಾದಲ್ಲಿ ಪೃಥ್ವಿ ರಾಜ್ ಅಭಿನಯ ನೋಡಿ ಅಭಿಮಾನಿಗಳು ಅವರಿಗೆ ಈ ಸಿನಿಮಾಗೆ ರಾಷ್ಟ್ರಪ್ರಶಸ್ತಿ ಗ್ಯಾರಂಟಿ ಎನ್ನುತ್ತಿದ್ದಾರೆ. ಇದೀಗ ಬಿಡುಗಡೆಯಾದ ಒಂದೇ ವರ್ಷಕ್ಕೆ ಅಡುಜೀವಿತಂ 100 ಕೋಟಿ ರೂ. ಗಳಿಕೆ ದಾಖಲೆ ಮಾಡಿ ಸುದ್ದಿಯಾಗಿದೆ.

ಈ ಬಗ್ಗೆ ಸ್ವತಃ ನಾಯಕ ಪೃಥ್ವಿರಾಜ್ ಪೋಸ್ಟ್ ಒಂದನ್ನು ಬರೆದುಕೊಂಡಿದ್ದಾರೆ. ಇದಕ್ಕೆ ಮೊದಲು ಮಲಯಾಳಂನ ಮಂಜುಮೆಲ್ ಬಾಯ್ಸ್ ಸಿನಿಮಾ 200 ಕೋಟಿ ರೂ. ಗಳಿಕೆ ಮಾಡಿದ ಮೊದಲ ಸಿನಿಮಾ ಹೆಗ್ಗಳಿಕೆಗೆ ಪಾತ್ರವಾಗಿತ್ತು. ಇದೀಗ ಆಡು ಜೀವಿತಂ ಕೂಡಾ 200 ಕೋಟಿ ದಾಟುವ ನಿರೀಕ್ಷೆಯಿದೆ.