ಉಪೇಂದ್ರ ಅಭಿನಯದ 'ರಜನಿ' ಚಿತ್ರ ಸೆಟ್ಟೇರಲು ಸಿದ್ಧತೆ ನಡೆಯುತ್ತಿದೆ. ಈ ನಡುವೆಯೇ ಅದೇ ಹೆಸರಿನ ಮತ್ತೊಂದು ಚಿತ್ರ ಕೂಡಾ ಬರುತ್ತಿದೆ. ಆದರೆ ಈ ಚಿತ್ರದಲ್ಲಿ ಸ್ವಲ್ಪ ಬದಲಾವಣೆ ಎಂದರೆ ಇದು 'ರಜನಿ ದಿ ಸೂಪರ್ಸ್ಟಾರ್' ಎಂಬ ಟೈಟಲ್ ಹೊಂದಿದೆ.
ಹಾಗಾಂತ ಈ ಚಿತ್ರ ರಜನೀಕಾಂತ್ ಅವರ ಮೇಲೆ ತಯಾರಾಗುತ್ತಿದೆ ಎಂದರೆ ಅದು ತಪ್ಪು. ಈ ಚಿತ್ರವನ್ನು ಗುರು ದೇಶಪಾಂಡೆ ನಿರ್ದೇಶಿಸುತ್ತಿದ್ದಾರೆ. ಇವರು ಸ್ಟಾರ್ ಕ್ರಿಯೇಟರ್ಸ್ ಎಂಬ ಸಂಸ್ಥೆಯ ಮೂಲಕ ಚಿತ್ರರಂಗ ಪ್ರವೇಶಿಸುವವರಿಗೆ ತರಬೇತಿ ನೀಡುತ್ತಿದ್ದಾರೆ. ಈ ಹಿಂದೆ 'ವಾರಸ್ದಾರ' ಎಂಬ ಚಿತ್ರವನ್ನು ಕೂಡಾ ನಿರ್ದೇಶಿಸಿದ್ದರು.
' ರಜನಿ ದಿ ಸೂಪರ್ಸ್ಟಾರ್' ಚಿತ್ರವನ್ನು ಸ್ಟಾರ್ ಕ್ರಿಯೇಟರ್ಸ್ ಬ್ಯಾನರ್ನಡಿ ಅವರ ಪತ್ನಿ ಶಿಲ್ಪಾ ದೇಶಪಾಂಡೆ ನಿರ್ಮಿಸಲಿದ್ದು, ಕತೆ ಚಿತ್ರಕಥೆ ಹಾಗೂ ಸಂಭಾಷಣೆ, ನಿರ್ದೇಶನವೆಲ್ಲ ಗುರುದೇಶಪಾಂಡೆ ಅವರದ್ದೇ. ಇದೊಂದು ಅಪ್ಪಟ ಪ್ರೇಮಕಥೆಯಾಗಿದ್ದು, ಇಂದಿನ ಯುವ ಪ್ರೇಮಿಗಳಿಗೆ ಈ ಚಿತ್ರ ಮುದ ನೀಡಲಿದೆ ಎನ್ನುತ್ತಾರೆ ಗುರು.