ಕಿಚ್ಚ ಸುದೀಪ್ ಕನ್ನಡದ ಸೂಪರ್ ಸ್ಟಾರ್ ಗಳಲ್ಲಿ ಒಬ್ಬರು. ಅವರ ಚಿತ್ರ ಅಂದ್ರೆ ಅಭಿಮಾನಿಗಳು ತುಂಬಾ ಸಂಭ್ರಮದಿಂದ ಕಾಯುತ್ತಾರೆ. ಇತ್ತೀಚಿಗೆ ಅವರ ಹೊಸ ಚಿತ್ರ ಮಾಣಿಕ್ಯ ತನ್ನ ಕೆಲಸವನ್ನು ಬಹುತೇಕ ಮುಕ್ತಾಯ ಮಾಡಿದೆ. ತಾವು ತಮ್ಮ ನಟನೆ ಮತ್ತು ನಿರ್ದೇಶನದ ಚಿತ್ರ ಮಾಣಿಕ್ಯ ಪೂರ್ಣ ಮಾಡಿದ ಬಳಿಕ ಹೊಸ ಚಿತ್ರಕ್ಕೆ ಸಹಿ ಹಾಕುವುದಾಗಿ ಮೊದಲೆ ಹೇಳಿದ್ದರು.
ಅವರು ತಮ್ಮ ಚಿತ್ರದಲ್ಲಿ ನಟಿಸಲಿ ಎನ್ನುವ ಆಸೆಯಿಂದ ಅಪಾರ ಸಂಖ್ಯೆಯ ನಿರ್ಮಾಪಕರು ಕಿಚ್ಚ ಮನೆಮುಂದೆ ಕಾಯುತ್ತಿದ್ದಾರೆ ಸಾಕಷ್ಟು ಸಹನೆಯಿಂದ. ಈಗ ಅಂತಹ ಸೌಭಾಗ್ಯ 'ಬಿಂದಾಸ್‌' ಚಂದ್ರಶೇಖರ್ ನಿರ್ಮಾಣದ ತಂಡಕ್ಕೆ ದೊರಕಿದೆ. ಚಂದ್ರಶೇಖರ್ ಅವರ ಚಿತ್ರದಲ್ಲಿ ನಟಿಸಲು ಕಿಚ್ಚ ಓಕೆ ಅಂದಿದ್ದಾರೆ.
ಈಗಾಗಲೇ ಚಂದ್ರಶೇಖರ್ ಅವರನ್ನು ಕರೆದು ಮೇನಲ್ಲಿ ಡೇಟ್ಸ್‌ ಕೊಟ್ಟಿರುವ ಸುದೀಪ್, ಸಿನಿಮಾಗೆ ತಯಾರಿ ಮಾಡಿಕೊಳ್ಳುವಂತೆ ಸೂಚನೆ ನೀಡಿದ್ದಾರಂತೆ.