ದಿಗಂತ್ ಫ್ರೆಂಡ್, ಲವ್ ಮ್ಯಾರೇಜ್ ಆಗ್ತೀನಿ: ಐಂದ್ರಿತಾ
ಆಗಾಗ ಗಾಸಿಪ್ ಕಾಲಂಗಳಲ್ಲಿ ಬರ್ತಿರೋ ಸುದ್ದಿಗಳನ್ನು ಓದಿ ಓದಿ ಸುಸ್ತಾಗಿರುವ ಐಂದ್ರಿತಾ ರೇ ಮತ್ತೊಮ್ಮೆ ಸ್ಪಷ್ಟನೆ ನೀಡಿದ್ದಾರೆ. ನನಗೆ ಗುಳಿಕೆನ್ನೆ ಚೆಲುವ ದಿಗಂತ್ ಜತೆ ಯಾವುದೇ ಸಂಬಂಧವಿಲ್ಲ, ನಾವಿಬ್ಬರೂ ಗುಡ್ ಫ್ರೆಂಡ್ಸ್, ಅಷ್ಟೇ. ಆದ್ರೂ ನಾನು ಲವ್ ಮ್ಯಾರೇಜ್ ಆಗೋದಂತೂ ಗ್ಯಾರಂಟಿ ಎಂದಿದ್ದಾರೆ.ದಿಗಂತ್ ಜತೆ ಈಗ ಯಾವುದೇ ಸಂಬಂಧ ಇಲ್ಲ (ಮೊದಲು ಇತ್ತೇ?!) ಅಂತ ಐಂದ್ರಿತಾ ಹೇಳ್ತಿದ್ದಾರಾ? ಗೊತ್ತಿಲ್ಲ. ಯಾಕೆಂದರೆ ವರ್ಷದ ಹಿಂದೆ ಈ ಜೋಡಿಯ ಕಲರವ ಜೋರಾಗಿತ್ತು. ಎಲ್ಲೆಂದರಲ್ಲಿ ಜತೆಯಾಗಿಯೇ ಕಾಣಿಸುತ್ತಿದ್ದರು. ಕ್ರಿಕೆಟ್ ಪಂದ್ಯವಾಗಲೀ, ಗೋವಾನೇ ಆಗಲೀ, ಒಟ್ಟೊಟ್ಟಿಗೆ ಹೋಗುತ್ತಿದ್ದರು. ಇತ್ತೀಚಿನ ದಿನಗಳಲ್ಲಿ ಅದು ಕಡಿಮೆಯಾಗಿತ್ತು. ಆದರೂ, 'ಪಾರಿಜಾತ' ಚಿತ್ರದಿಂದಾಗಿ ಮತ್ತೆ ಸುದ್ದಿಯಲ್ಲಿದೆ.
ಅದೇನೇ ಆದರೂ ಐಂದ್ರಿತಾ ಈ ಬಗ್ಗೆ ಹೆಚ್ಚು ಗಮನ ಕೊಟ್ಟಿಲ್ಲ. ದಿಗಂತ್ ಮತ್ತು ನನ್ನ ನಡುವೆ ಏನೇನೋ ಇದೆ ಅನ್ನೋದು ಸುಳ್ಳು. ನಾವಿಬ್ಬರೂ ಒಳ್ಳೆಯ ಸ್ನೇಹಿತರು ಹೌದು. ಒಟ್ಟಿಗೆ ನಟಿಸುವಾಗ ಇಂತಹ ಗಾಸಿಪ್ ಮಾಮೂಲಿ. ರೊಮ್ಯಾನ್ಸ್ ಕೂಡ ಮಾಡ್ತೀವಿ. ಆದರೆ ಸದ್ಯಕ್ಕೆ ನಾನು ಸಿಂಗಲ್ ಅಂತಾರೆ.ಇಷ್ಟೆಲ್ಲ ಹೇಳಿದ ಮೇಲೂ ಐಂದ್ರಿತಾ ಆಗೋದು ಲವ್ ಮ್ಯಾರೇಜ್ ಅಂತೆ. ಆ ಜೋಡಿ ಯಾರೆಂದು ಹೇಳಲು ಅವರು ತಯಾರಿಲ್ಲ. ನಾನಿನ್ನೂ ಸಿಂಗಲ್, ಹಾಗೇನೂ ಇಲ್ಲ. ಮುಂದೆ ಆಗೋದು ಮಾತ್ರ ಲವ್ ಮ್ಯಾರೇಜ್ ಅಂತ ಸುಮ್ಮನಾಗ್ತಾರೆ.