ಚೀನಾ ಮೂಲದ ಹ್ಯಾಂಡ್ಸೆಟ್ ತಯಾರಕರಾಗಿರುವ ಜೆಟಿಇ ಸಂಸ್ಥೆ, ಹೊಸ ವೈಶಿಷ್ಟ್ಯದ ಅತ್ಯಾಧುನಿಕ ನುಬಿಯಾ ಝಡ್-11 ಆವೃತ್ತಿಯ ಸ್ಮಾರ್ಟ್ಪೋನ್ಗಳನ್ನು ಅನಾವರಣಗೊಳಿಸಿದೆ. ಈ ಹೊಸ ವೈಶಿಷ್ಟ್ಯದ ಪೋನ್ಗಳು ಜುಲೈ 6 ರಂದು ಚೀನಾ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿವೆ.
ನುಬಿಯಾ ಝಡ್-11 ಆವೃತ್ತಿಯ ಸ್ಮಾರ್ಟ್ಪೋನ್ಗಳು ಎರಡು ವೈವಿಧ್ಯದಲ್ಲಿ ಗ್ರಾಹಕರಿಗೆ ಲಭ್ಯವಾಗಲಿದೆ. 4 ಜಿಬಿ ರ್ಯಾಮ್ ಮತ್ತು 64 ಜಿಬಿ ಸ್ಟೋರೇಜ್ ಸಾಮರ್ಥ್ಯ ಹೊಂದಿರುವ ಆವೃತ್ತಿಯ ಪೋನ್ಗಳು ಗ್ರಾಹಕರಿಗೆ 25 ಸಾವಿರ ರೂಪಾಯಿಗಳಲ್ಲಿ ಲಭ್ಯವಿದ್ದು, 6 ಜಿಬಿ ರ್ಯಾಮ್ 128 ಜಿಬಿ ಸ್ಟೋರೇಜ್ ಸಾಮರ್ಥ್ಯ ಹೊಂದಿರುವ ಆವೃತ್ತಿಯ ಪೋನ್ಗಳು 35 ಸಾವಿರ ರೂಪಾಯಿಗಳಲ್ಲಿ ಲಭ್ಯವಾಗಲಿದೆ.
ಜೆಟಿಇ ಸಂಸ್ಥೆಯ ನುಬಿಯಾ ಝಡ್-11 ಆವೃತ್ತಿಯ ಸ್ಮಾರ್ಟ್ಪೋನ್ಗಳು 5.5 ಫುಲ್ ಎಚ್ಡಿ (1080x1920 ಪಿಕ್ಸೆಲ್) ಡಿಸ್ಪ್ಲೇ ಮತ್ತು ಗೀರುಗಳಿಂದ ರಕ್ಷಣೆ ನೀಡಲು ಅತ್ಯಾಧುನಿಕ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್-3 ವೈಶಿಷ್ಟ್ಯವನ್ನು ಹೊಂದಿದೆ. ಈ ಪೋನ್ಗಳು ನುಬಿಯಾ ಯುಐ 4.0 ಆಧಾರಿತ ಆಂಡ್ರಾಯ್ಡ್ 6.0 ಮಾರ್ಷ್ಮ್ಯಾಲೋ ವೈಶಿಷ್ಟ್ಯವನ್ನು ಹೊಂದಿದೆ.
ಈ ಪೋನ್ಗಳು ಒಂದು ಮೈಕ್ರೋ ಸಿಮ್ ಮತ್ತೊಂದು ನ್ಯಾನೋ ಸಿಮ್ಗೆ ಸ್ಪಂದಿಸುವ ಹೈಬ್ರಿಡ್ ಡ್ಯುಯಲ್ ಸಿಮ್ ವೈಶಿಷ್ಟ್ಯವನ್ನು ಹೊಂದಿದೆ. ನುಬಿಯಾ ಝಡ್-11 ಪೋನ್ಗಳು ಕ್ವಾಡ್ ಕೋರ್ 2.15ಜಿಎಚ್ಝಡ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 820 ಪ್ರೊಸೆಸರ್ ಹೊಂದಿದೆ.
ನುಬಿಯಾ ಝಡ್-11 ಪೋನ್ಗಳು ಡ್ಯುಯಲ್ ಟೋನ್ ಎಲ್ಇಡಿ ಫ್ಲ್ಯಾಶ್ ಜೊತೆಗೆ 16 ಮೆಗಾ ಪಿಕ್ಸೆಲ್ ರಿಯರ್ ಕ್ಯಾಮೆರಾ, ಎಫ್-2 ಅಪರ್ಚರ್ ಹೊಂದಿರುವ 8 ಮೆಗಾ ಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಹೊಂದಿದೆ. ಈ ಪೋನ್ಗಳು ಫಿಂಗರ್ಪ್ರಿಂಟ್ ಸ್ಕ್ಯಾನರ್ ಹೊಂದಿದ್ದು, ಬ್ಲೂಟೂತ್, ಜಿಪಿಎಸ್ ಗ್ಲೋನಾಸ್, ವೈ-ಫೈ 802.11, ಎ/ಬಿ/ಜಿ/ಎನ್/ಎಸಿ, 4ಜಿ, ಜಿಪಿಎಸ್/ಎ, 3ಜಿ ಮತ್ತು ಯುಎಸ್ಬಿ ಕನೆಕ್ಟಿವಿಟಿ ಸೌಲಭ್ಯ ಹೊಂದಿದೆ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ