ಶಿಯೋಮಿ ಸ್ಮಾರ್ಟ್‍ಫೋನ್‌ಗಳನ್ನು ಬಳಸುತ್ತಿರುವವರಿಗೆ ಶುಭವಾರ್ತೆ. ಈ ಫೋನ್‌ಗಳಿಗೆ ಶೀಘ್ರದಲ್ಲೇ ಆಂಡ್ರಾಯ್ಡ್ ಹೊಸ ಆಪರೇಟಿಂಗ್ ಸಿಸ್ಟಂ 7.0 ನೂಗಟ್ ಲಭ್ಯವಾಗಲಿದೆ ಎಂದು ಕಂಪನಿ ಪ್ರಕಟಿಸಿದೆ. ಶೀಘ್ರದಲ್ಲೇ ಇದಕ್ಕೆ ಸಂಬಂಧಿಸಿದ ಅಪ್ಡೇಟ್ (ಎಂಐಯೂಐ 9) ಕೊಡಲಿದೆ.
ಇದಕ್ಕೆ ಸಂಬಂಧಿಸಿದ ವಿವರಗಳನ್ನು ಸಾಮಾಜಿಕ ತಾಣದಲ್ಲಿ ಶಿಯೋಮಿ ಪ್ರಕಟಿಸಿದೆ. ಅದರ ಪ್ರಕಾರ, ಶಿಯೋಮಿ ಹೊಸ ಫೋನ್‌ಗಳಾದ ಎಂಐ ಮ್ಯಾಕ್ಸ್, ಎಂಐ ನೋಟ್, ಎಂಐ 4ಸಿ, ಎಂಐ 4ಎಸ್‌ಗೆ ಮೊದಲು ಈ ಅಪ್ಡೇಟ್ ಸಿಗಲಿದೆ. ಎಂಐ ಮಿಕ್ಸ್, ಎಂಐ ನೋಟ್ 2, ಎಂಐ 5ಎಸ್ ಫೋನ್‍ಗಳು ಈ ಪಟ್ಟಿಯಲ್ಲಿವೆ.
ಆದರೆ ಈ ಅಪ್ಡೇಟ್ ಯಾವಾಗ ಲಭ್ಯವಾಗಲಿದೆ ಎಂಬ ದಿನಾಂಕವನ್ನು ಕಂಪನಿ ಸ್ಪಷ್ಟಪಡಿಸಿಲ್ಲ. ಬಹುಶಃ ಮುಂದಿನ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಇದು ಲಭ್ಯವಾಗುವ ಸಾಧ್ಯತೆ ಇದೆ. ಇತ್ತೀಚೆಗೆ ಎಂಐ 5ಗೆ ಹೊಸ ಅಪ್ಡೇಟ್ ಸಿಕ್ಕಿತ್ತು. ವಿಶೇಷ ಎಂದರೆ ಇದೇ ಕಂಪನಿಯ ರೆಡ್‌ಮಿ ಸೀರೀಸ್ ಬಗ್ಗೆ ಮಾತ್ರ ಯಾವುದೇ ಸಮಾಚಾರ ಇಲ್ಲ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.