ಕೇವಲ ರೂ.16ಕ್ಕೆ ಒಂದು ಗಂಟೆ ಅನಿಯಮಿತ ಡಾಟಾ

ರಿಯಲನ್ಸ್ ಜಿಯೋ, ಏರ್‌ಟೆಲ್ ಟೆಲಿಕಾಂ ಕಂಪನಿಗಳಿಂದ ಎದುರಾಗುತ್ತಿರುವ ಸ್ಪರ್ಧೆಯನ್ನು ತಡೆದುಕೊಳ್ಳಲು ವೊಡಾಫೋನ್ ಇನ್ನೊಂದು ವಿಶೇಷ ಕೊಡುಗೆಯನ್ನು ಪ್ರಕಟಿಸಿದೆ. ರೂ.16ಕ್ಕೆ 3ಜಿ ಅಥವಾ 4ಜಿ ಡಾಟಾ ಬಳಸಿಕೊಳ್ಳುವ ಅವಕಾಶವನ್ನು ಪ್ರೀ-ಪೇಯ್ಡ್ ಗ್ರಾಹಕರಿಗೆ ನೀಡುತ್ತಿದೆ.

ಇದರ ಜೊತೆಗೆ ರೂ.7ಕ್ಕೆ ಒಂದು ಗಂಟೆಕಾಲ ಆಯಾ ನೆಟ್‌ವರ್ಕ್ ವ್ಯಾಪ್ತಿಯಲ್ಲಿ ವೊಡಾಫೋನ್‌ನಿಂದ ವೊಡಾಫೊನ್‌ಗೆ ಕರೆ ಮಾಡಿಕೊಳ್ಳಬಹುದು. ಸೂಪರ್ ಅವರ್ ಹೆಸರಿನ ಈ ಯೋಜನೆಯನ್ನು ಎಷ್ಟು ಬಾರಿ ಬೇಕಾದರೂ ಗ್ರಾಹಕರು ರೀಚಾರ್ಜ್ ಮಾಡಿಕೊಳ್ಳಬಹುದೆಂದು ವೊಡಾಫೋನ್ ಮುಖ್ಯ ವಾಣಿಜ್ಯ ಅಧಿಕಾರಿ ಸಂದೀಪ್ ತಿಳಿಸಿದ್ದಾರೆ.

ಈ ಆಫರ್ ಸೋಮವಾರದಿಂದ ಎಲ್ಲಾ ವೃತ್ತಗಳಲ್ಲಿ ಲಭ್ಯವಾಗಲಿದೆ. ಇದರ ಜೊತೆಗೆ ರೂ.5ಕ್ಕೆ 2ಜಿ ಗ್ರಾಹಕರಿಗೆ ಅನಿಯಮಿತ ಡಾಟಾ ಬಳಸಿಕೊಳ್ಳಬಹುದು. ಈ ಯೋಜನೆ ಆಯ್ಕೆ ಮಾಡಿಕೊಂಡವರು ಮಾರ್ಚ್ 31, 2017ರವರೆಗೂ ವೊಡಾಫೋನ್ ಪ್ಲೇ ಮೂಲಕ ಕೆಲವು ವಿಡಿಯೋ, ಸಿನಿಮಾಗಳನ್ನು ಉಚಿತವಾಗಿ ವೀಕ್ಷಿಸಬಹುದಾಗಿದೆ.  

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.