ಸೆಲ್ಫಿ ಫೋನ್‌ಗಳಿಗೆ ಹೆಸರುವಾಸಿಯಾಗಿರುವ ಕಂಪನಿ ವಿವೋ. ಆರಂಭದಿಂದಲೂ ಸೆಲ್ಫೀ ಫೋನ್‌ಗಳ ಮೇಲೆ ದೃಷ್ಟಿ ಇಟ್ಟಿರುವ ಈ ಕಂಪನಿ ಇತ್ತೀಚೆಗೆ ಹೊಸ ಫೋನನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಿದೆ. ಡ್ಯುಯಲ್ ಫ್ರಂಟ್ ಕ್ಯಾಮೆರಾ ಇರುವ ವಿ5 ಪ್ಲಸ್ ಮಾಡೆಲನ್ನು ಈ ತಿಂಗಳು ಜ.23ರಂದು ಭಾರತದಲ್ಲಿ ಬಿಡುಗಡೆ ಮಾಡುತ್ತಿದೆ.
ಇದುವರೆಗೂ ಹಿಂಬದಿ ಎರಡು ಕ್ಯಾಮೆರಾಗಳುಳ್ಳ ಫೋನ್ ವಿಶೇಷವಾಗಿತ್ತು. ಈಗ ಮುಂಬದಿ ಸಹ ಎರಡು ಕ್ಯಾಮೆರಾಗಳೊಂದಿಗೆ ಬರುತ್ತಿರುವುದು ವಿಶೇಷ. ಇದರಿಂದ ಅತ್ಯುತ್ತಮ ಸೆಲ್ಫೀಗಳನ್ನು ತೆಗೆದುಕೊಳ್ಳಲು ಸಾಧ್ಯವಾಗಲಿದೆ ಎನ್ನುತ್ತಿದೆ ಕಂಪನಿ.
5.5 ಇಂಚು ಸ್ಪರ್ಶಸಂವೇದಿ ಪರದೆಯುಳ್ಳ ಈ ಸ್ಮಾರ್ಟ್ಫೋನ್ 1.5 ಗಿಗಾ ಹಟ್ಜ್ ಪ್ರೋಸೆಸರ್, 4ಜಿಬಿ ರ್ಯಾಮ್ ಹೊಂದಿದೆ. ಮುಂಬದಿ ಎರಡು 20 ಮೆಗಾಪಿಕ್ಸೆಲ್ ಕ್ಯಾಮೆರಾ, ಹಿಂಬದಿ 13 ಮೆಗಾಪಿಕ್ಸೆಲ್ ಕ್ಯಾಮೆರಾಗಳಿದೆ. 32ಜಿಬಿ ಆಂತರಿಕ ಮೆಮೊರಿ ಜತೆಗೆ 128 ಜಿಬಿ ಹೆಚ್ಚಿಸಿಕೊಳ್ಳಬಹುದಾದ ಮೆಮರಿ ಸೌಲಭ್ಯ ಇದೆ. ಬ್ಯಾಟರಿ ಸಾಮರ್ಥ್ಯ 3000 ಎಂಎಎಚ್.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.