ಆರ್ಥಿಕ ಸಂಕಷ್ಟದಿಂದ ಬಳಲುತ್ತಿರುವ ಏರ್‌ಲೈನ್ ಸಂಸ್ಥೆ ಸ್ಪೈಸ್ ಜೆಟ್‌ಗೆ ಯಾವುದೇ ಸಾಲವನ್ನು ನೀಡುವ ಯೋಜನೆಯಿಲ್ಲ ಎಂದು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಅಧ್ಯಕ್ಷೆ ಅರುಂಧತಿ ಭಟ್ಟಾಚಾರ್ಯ ಹೇಳಿದ್ದಾರೆ.
ನಾವು ಏರ್‌ಲೈನ್‌ನ ಎರಡು ಕರೆಂಟ್ ಖಾತೆಗಳನ್ನು ಮಾತ್ರ ಹೊಂದಿದ್ದು, ಏರ್‌ಲೈನ್‌ಗೆ ಯಾವುದೇ ಹೊಸ ಸಾಲ ನೀಡುವ ಬಗ್ಗೆ ಬ್ಯಾಂಕ್ ಯೋಚಿಸಿಲ್ಲ ಎಂದು ಅವರು ಹೇಳಿದರು.
ಈ ವಾರದ ಆರಂಭದಲ್ಲಿ ನಾಗರಿಕ ವಿಮಾನಯಾನ ಸಚಿವಾಲಯ, ಏರ್‌ಲೈನ್‌ಗೆ 600 ಕೋಟಿ ರೂ.ವರೆಗೆ ಸಾಲ ನೀಡುವ ಬಗ್ಗೆ ಭಾರತೀಯ ಬ್ಯಾಂಕುಗಳನ್ನು ಮತ್ತು ಹಣಕಾಸು ಸಂಸ್ಥೆಗಳಿಗೆ ಮನವಿ ಸಲ್ಲಿಸುವುದಾಗಿ ಹೇಳಿತ್ತು.
ದುಡಿಯುವ ಬಂಡವಾಳ ಸಂಗ್ರಹಕ್ಕೆ ಬಾಹ್ಯ ವಾಣಿಜ್ಯ ಸಾಲಕ್ಕೆ ಅನುಮತಿ ನೀಡುವಂತೆ ಹಣಕಾಸು ಸಚಿವಾಲಯಕ್ಕೆ ಮನವಿ ಮಾಡಿಕೊಳ್ಳುವುದಾಗಿ ಸಚಿವಾಲಯ ಹೇಳಿದೆ. ರೂಪಾಯಿ ಏರುಪೇರಿನ ಬಗ್ಗೆ ಉತ್ತರಿಸುತ್ತಾ, ಕೆಲವು ದಿನಗಳಿಂದ ರೂಪಾಯಿ ಏರುಪೇರಾಗುತ್ತಿದ್ದು, ಇದು ಎಲ್ಲಿವರೆಗೆ ಉಳಿಯುತ್ತದೆ ಎಂದು ಕಾದುನೋಡಬೇಕು ಎಂದರು.