ತೆರಿಗೆಗೆ ಸಂಬಂಧಿಸಿದ ಎಲ್ಲಾ ವ್ಯವಹಾರಗಳನ್ನು ಒಂದೇ ವೆಬ್‌ಸೈಟ್‌ನಲ್ಲಿ ನಡೆಸಲು ಅನುಕೂಲ ಕಲ್ಪಿಸುವ ಉದ್ದೇಶದಿಂದ ಹಣಕಾಸು ಇಲಾಖೆ ನೂತನ ವೆಬ್‌ಸೈಟ್‌ಗೆ ಚಾಲನೆ ನೀಡಿದೆ.
ಪಾನ್ ಕಾರ್ಡಗಾಗಿ ಅರ್ಜಿ ಸಲ್ಲಿಕೆ, ತೆರಿಗೆ ಪಾವತಿ ಇನ್ನಿತರ ತೆರಿಗೆಗೆ ಸಂಬಂಧಿಸಿದ ಎಲ್ಲ ವಿಧಧ ವ್ಯವಹಾರಗಳನ್ನು ಈ ವೆಬ್‌ಸೈಟ್‌ ಮೂಲಕ ನಡೆಸಬಹುದಾಗಿದೆ. ಈ ಮೊದಲು ಒಂದೊಂದು ಕಾರ್ಯಕ್ಕೆ ಒಂದೊಂದು ವೆಬ್‌ಸೈಟ್‌ನ್ನು ಜಾಲಾಡಬೇಕಿತ್ತು. ಈಗ ಆ ಹುಟುಕಾಟ, ಗೊಂದಲ ತಪ್ಪಿದ್ದು, ನೂತನ ವೆಬ್‌ಸೈಟ್‌ www.incometaxindia.gov.in ಮೂಲಕ ಏಕಗವಾಕ್ಷಿ ಪದ್ಧತಿಯಡಿ ಎಲ್ಲ ವ್ಯವಹಾರ ನಡೆಸಬಹುದಾಗಿದೆ.
ಸುಧಾರಿತ ಹಾಗೂ ತ್ವರಿತಗತಿಯ ಕಾರ್ಯಕ್ಕೆ ನೂತನ ತಂತ್ರಜ್ಞಾನ ಅಳವಡಿಸಲಾಗಿದೆ. ತೆರಿಗೆ ಇಲಾಖೆಯ ಈ ವೆಬ್‌ಸೈಟ್‌ ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿ ಉದ್ಘಾಟನೆಯಾಗಬೇಕಿತ್ತು. ಆದರೆ ಅವರು ವೈದ್ಯಕೀಯ ತಪಾಸಣೆಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದರಿಂದ, ತೆರಿಗೆ ಅಧಿಕಾರಿಗಳೇ ಇದಕ್ಕೆ ಸೋಮವಾರ ಚಾಲನೆ ನೀಡಿದರು.
