ಗ್ರಾಹಕರು 10 ಖಾಲಿ ಮ್ಯಾಗಿ ಪ್ಯಾಕೆಟ್‌ಗಳನ್ನು ವಾಪಸ್ ನೀಡಿದರೆ 1 ಮ್ಯಾಗಿ ಪ್ಯಾಕೆಟ್ ಉಚಿತವಾಗಿ ನೀಡಲಾಗುತ್ತದೆ ಎಂಬ ಆಫರ್ ಅನ್ನು ನೆಸ್ಲೆ ಪ್ರಕಟಿಸಿದೆ. ಉತ್ತರಾಖಂಡ್‌ ನ ಮಾಲಿನ್ಯ ನಿಯಂತ್ರಣಾ ಮಂಡಳಿ ನಡೆಸಿದ ಅಧ್ಯಯನದಲ್ಲಿ ಉತ್ತರಾಖಂಡ್‌ನ ಪ್ರಸಿದ್ಧ ಗಿರಿಧಾಮಗಳಲ್ಲಿ ಮ್ಯಾಗಿ, ಪೆಪ್ಸಿಯ ಲೇಸ್ ಚಿಪ್ಸ್ ಹಾಗೂ ಪಾರ್ಲೆಯ ಫ್ರೂಟಿ ಪ್ಲಾಸ್ಟಿಕ್ ಗಳು ಮಾಲಿನ್ಯಕ್ಕೆ ಕಾರಣವಾಗುತ್ತಿರುವ ಹಿನ್ನಲೆಯಲ್ಲಿ ಗ್ರಾಹಕರಲ್ಲಿ ಪ್ಲಾಸ್ಟಿಕ್ ತ್ಯಾಜ್ಯದ ವಿಲೇವಾರಿಯ ಜವಾಬ್ದಾರಿಯ ಕುರಿತು ಅರಿವು ಮೂಡಿಸಲು ನೆಸ್ಲೆ ಕಂಪೆನಿಯು ಈ ನಿರ್ಧಾರ ಕೈಗೊಂಡಿದೆ.
ಆದರೆ ಈ ಆಫರ್ ದೇಶಾದ್ಯಂತ ಲಭ್ಯವಿಲ್ಲ. ಬದಲಾಗಿ ಉತ್ತರಾಖಂಡ್‌ನ 2 ಸ್ಥಳಗಳಲ್ಲಿ ಅಂದರೆ, ಡೆಹ್ರಾಡೂನ್ ಹಾಗೂ ಮಸ್ಸೂರಿಗಳ 250 ರಿಟೈಲ್ ಮಳಿಗೆಗಳಲ್ಲಿ ಮಾತ್ರ ಜಾರಿಗೆ ತರಲಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.