ಪ್ರಸಿದ್ಧ ಕಾರು ತಯಾರಿಕಾ ಕಂಪನಿ ಮರ್ಸಿಡೆಸ್ ಬೆಂಜ್ ಹೊಸ ಕಾರನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಎಎಂಜಿ ಸಿ43 ಹೆಸರಿನ ಕಾರಿನೊಂದಿಗೆ ಈ ವರ್ಷ ಬೆಂಜ್ ಕಂಪನಿ ಬಿಡುಗಡೆ ಮಾಡುತ್ತಿರುವ 13ನೇ ತರದ್ದಾಗಿದೆ. ಇದರ ಬೆಲೆ ದೆಹಲಿ ಎಕ್ಸ್‌ಶೋರೂಂನಲ್ಲಿ ರೂ.74.35 ಲಕ್ಷಗಳು ಎಂದು ಪ್ರಕಟಿಸಿದೆ.
2016ನೇ ಸಾಲಿನಿಂದ ಬೆಂಜ್‌ನಿಂದ ಇದುವರೆಗೂ ಒಟ್ಟು 12 ಮಾಡೆಲ್‌ನ ಹೊಸ ಕಾರುಗಳು ಮಾರುಕಟ್ಟೆಗೆ ಬಂದಿವೆ. ಹೊಸದಾಗಿ ಬಂದಿರುವ ಸಿ43 ಎಂಟ್ರಿ ಲೆವೆಲ್ ಕಾರು ಮರ್ಸಿಡೆಸ್ ಬೆಂಜ್ ಸಿ 200 ಪೆಟ್ರೋಲ್ ಆವೃತ್ತಿ ಮತ್ತು ಮರ್ಸಿಡೆಸ್ ಎಎಂಜಿ ಸಿ63ರ ನಡುವಿನ ಅಂತರವನ್ನು ತುಂಬಲಿದೆ ಎಂದು ಕಂಪನಿ ಪ್ರಕಟಣೆಯಲ್ಲಿ ಹೇಳಿದೆ.
ಟ್ವಿನ್ ಟರ್ಬೊ 3.0 ಲೀಟರ್ ವಿ6 ಇಂಜಿನ್‌ನೊಂದಿಗೆ ಈ ಕಾರು ಕೆಲಸ ಮಾಡಲಿದೆ. 4.7 ಸೆಕೆಂಡ್‌ಗಳಲ್ಲಿ 100 ಕಿ.ಮೀ ವೇಗ ಪಡೆದುಕೊಳ್ಳಲಿದೆ. ಸಿ 200, ಸಿ 63ಗಳಂತೆ ಅಲ್ಲದೆ ಸಿ43...ಆಡಿ ಎಸ್4ಕ್ಕೆ ಸಮನಾಗಿ ಆಲ್‌ವೀಲ್ ಡ್ರೈವ್ ಸೆಟಪ್‌ನೊಂದಿಗೆ ಬರುತ್ತಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.