ಲೆನೋವೋ ’ಕೆ6 ಪವರ್’ ಸ್ಮಾರ್ಟ್ ಫೋನ್ ಬಿಡುಗಡೆ

ಚೀನಾ ಮೂಲದ ಪ್ರಮುಖ ಮೊಬೈಲ್ ಹ್ಯಾಂಡ್‌ಸೆಟ್ ತಯಾರಿಕಾ ಕಂಪನಿ ಲೆನೋವೋ ತಾಜಾ ಸ್ಮಾರ್ಟ್ ಫೋನ್ ಬಿಡುಗಡೆ ಮಾಡಿದೆ. ಕೆ ಸೀರೀಸ್‍ನಲ್ಲೇ ’ಕೆ6 ಪವರ್’ ಹೆಸರಿನ ಮತ್ತೊಂದು ಹೊಸ ಸ್ಮಾರ್ಟ್‌ಫೋನನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.

ಈ ಸ್ಮಾರ್ಟ್‌ಫೋನ್‌ಗೆ ರೂ.9,999 ಬೆಲೆ ನಿಗದಿ ಮಾಡಿದೆ. ಲೆನೋವೋ ಕಂಪನಿ ತನ್ನ ಕೆ6 ಪವರ್ ಸ್ಮಾರ್ಟ್‌ಫೋನನ್ನು ಮಾರಾಟ ಮಾಡಲು ಇ-ಕಾಮರ್ಸ್ ದಿಗ್ಗಜ ಫ್ಲಿಪ್ ಕಾರ್ಟ್‌ನೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಕಡಿಮೆ ಬೆಲೆಗೆ ಒಳ್ಳೇ ಫ್ಯೂಚರ್‌ಗಳುಳ್ಳ ಮೊಬೈಲ್‍ಗಳನ್ನು ಲೆನೋವೋ ಬಿಡುಗಡೆ ಮಾಡುತ್ತಿರುವುದು ಗೊತ್ತೇ ಇದೆ. 

ಕೆ6 ಪವರ್ ಸ್ಮಾರ್ಟ್‌ಫೋನ್ ಡಿಸೆಂಬರ್ 6ರಿಂದ ಫ್ಲಿಪ್‍ಕಾರ್ಟ್‌ನಲ್ಲಿ ಲಭ್ಯವಾಗಲಿದೆ. ಇನ್ನು ಈ ಫೋನಿನ ವಿಶೇಷಗಳ ಕಡೆಗೆ ಗಮನಹರಿಸಿದರೆ... ಮೆಟಲ್ ಬಾಡಿ ಡಿಸೈನ್, 5 ಇಂಚು ಫುಲ್‍ ಎಚ್‌ಡಿ ಸ್ಕ್ರೀನ್, ಡಾಲ್ಬೆ ಅಟ್ಮಾಸ್ ಸೌಂಡ್, 1.4 ಗಿಗಾ ಹರ್ಟ್ಜ್ ಆಕ್ಟಾ ಕೋರ್ ಪ್ರೊಸೆಸರ್, ಫಿಂಗರ್ ಪ್ರಿಂಟ್ ಸ್ಕ್ಯಾನರ್, 3 ಜಿಬಿ ರ್ಯಾಮ್, ಆಂಡ್ರಾಯ್ಡ್ ಮಾರ್ಷ್‌ಮಾಲೋ ಆಪರೇಟಿಂಗ್ ಸಿಸ್ಟಂ, 13 ಎಂಪಿ ಹಿಂಬದಿ ಕ್ಯಾಮೆರಾ, 8 ಎಂಪಿ ಸ್ಫೆಲ್ಫಿ ಕ್ಯಾಮೆರಾ, 32 ಜಿಬಿ ಇಂಟರ್‌ನಲ್ ಮೆಮೊರಿ, 4000 ಎಂಎಎಚ್ ಬ್ಯಾಟರಿಯನ್ನು ಒಳಗೊಂಡಿದೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.