ರೈಲು ಟಿಕೆಟ್ ಬುಕ್ಕಿಂಗ್‌ನ್ನು ಪ್ರಯಾಣಿಕರು ಇನ್ನಷ್ಟು ವೇಗವಾಗಿ ಮಾಡಿಕೊಳ್ಳಲು ಅನುಕೂಲವಾಗುವ ರೀತಿಯಲ್ಲಿ ಹೊಸ ಆಪ್‌ನ್ನು ಶೀಘ್ರದಲ್ಲೇ ಐಆರ್‌ಟಿಸಿ ಬಿಡುಗಡೆ ಮಾಡುತ್ತಿದೆ. ಸದ್ಯಕ್ಕೆ ಇರುವ ಟಿಕೆಟ್ ಬುಕಿಂಗ್ ಆಪ್‍ಗೆ ಇನ್ನಷ್ಟು ಹೊಸ ಸೌಲಭ್ಯಗಳನ್ನು ಸೇರಿಸಿ ಈ ಆಪನ್ನು ಐಆರ್‌ಸಿಟಿಸಿ ಸಿದ್ಧಪಡಿಸಿದೆ.
ಲೇಟೆಸ್ಟ್ ತಂತ್ರಜ್ಞಾನದೊಂದಿಗೆ ಈ ಆಪ್ ತಯಾರಿಸಿದ್ದೇವೆ, ಇನ್ನಷ್ಟು ವೇಗವಾಗಿ, ಸುಲಭವಾಗಿ ಐಆರ್‌ಟಿಸಿ ಮೂಲಕ ಟಿಕೆಟ್ ಬುಕ್ ಮಾಡಿಕೊಳ್ಳಬಹುದೆಂದು ರೈಲ್ವೆ ಸಚಿವಾಲಯ ಅಧಿಕಾರಿಗಳು ತಿಳಿಸಿದ್ದಾರೆ. ಆನ್‌ಲೈನ್ ರೈಲು ಬುಕಿಂಗ್‍ಗಾಗಿ ಐಆರ್‌ಸಿಟಿಸಿ ಅಧಿಕೃತವಾಗಿ ಐಆರ್‌ಸಿಟಿಸಿ ರೈಲ್ ಕನಕ್ಟ್ ಆಪನ್ನು ಇನ್ನೊಂದು ವಾರದಲ್ಲಿ ಆರಂಭಿಸಲಿದೆ.
ಪ್ರಯಾಣಿಕರ ಬೇಡಿಕೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಈ ಆಪ್ ಬಿಡುಗಡೆ ಮಾಡಲಾಗುತ್ತಿದೆ. ಮುಂದಿನ ತಲೆಮಾರಿನ ಇ-ಟಿಕೆಟ್ ವ್ಯವಸ್ಥೆ ಆಧಾರವಾಗಿ ಇದನ್ನು ತರಲಾಗುತ್ತಿದೆ. ರೈಲ್ವೆ ಟಿಕೆಟ್ಗಳನ್ನು ಸರ್ಚ್ ಮಾಡಲು, ಬುಕ್ ಮಾಡಿಕೊಳ್ಳಲು ಈ ಆಪ್ ಪ್ರಯಾಣಿಕರಿಗೆ ಉಪಯೋಗವಾಗಲಿದೆ. ಟಿಕೆಟ್ಗಳನ್ನು ಕ್ಯಾನ್ಸಲ್ ಮಾಡಿಕೊಳ್ಳುವ ಸದುಪಾಯವನ್ನೂ ಈ ಆಪ್ ಮೂಲಕ ಐಆರ್‌ಸಿಟಿಸಿ ಕಲ್ಪಿಸಲಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.