ಮುಂಬೈ ಮೂಲದ ಐಬಾಲ್ ಸಂಸ್ಥೆ, ಅಗ್ಗದ ಬೆಲೆಯ ಕಾಂಪ್‌ಬುಕ್ ಎಕ್ಸಲೆನ್ಸ್ ಮತ್ತು ಕಾಂಪ್‌ಬುಕ್ ಎಗ್‌‌ಝಂಪ್ಲೈರ್ ಆವೃತ್ತಿಯ ಲ್ಯಾಪ್‌ಟಾಪ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದು, ಮಾರುಕಟ್ಟೆಯಲ್ಲಿ ಈ ಆವೃತ್ತಿಯ ಲ್ಯಾಪ್‌ಟಾಪ್‌ಗಳ ಬೆಲೆ ಕ್ರಮವಾಗಿ 9,999 ರೂಪಾಯಿ ಮತ್ತು 13,999 ರೂಪಾಯಿಗಳಲ್ಲಿ ಲಭ್ಯವಿದೆ.
ಕಾಂಪ್‌ಬುಕ್ ಎಕ್ಸಲೆನ್ಸ್ ಆವೃತ್ತಿಯ ಲ್ಯಾಪ್‌ಟಾಪ್‌ಗಳು 11.6 ಇಂಚಿನ ಮಲ್ಟಿ-ಟಚ್ ಐಪಿಎಸ್‌ ಡಿಸ್‌ಪ್ಲೇ ಹೊಂದಿದ್ದು, ಕಾಂಪ್‌ಬುಕ್ ಎಗ್‌‌ಝಂಪ್ಲೈರ್ ಆವೃತ್ತಿಯ ಲ್ಯಾಪ್‌ಟಾಪ್‌ಗಳು 14 ಇಂಚಿನ ಮಲ್ಟಿ-ಟಚ್ ಐಪಿಎಸ್‌ ಡಿಸ್‌ಪ್ಲೇ ಹೊಂದಿದೆ. ಉಳಿದಂತೆ ಎರಡು ಲ್ಯಾಪ್‌ಟಾಪ್‌ಗಳಲ್ಲಿ ಸಾಕಷ್ಟು ಸಾಮ್ಯತೆ ಹೊಂದಿದೆ.
ಈ ಎರಡು ಆವೃತ್ತಿಯ ಲ್ಯಾಪ್‌ಟಾಪ್‌ಗಳು 1.83ಜಿಎಚ್‌ಝಡ್ ಇಂಟೆಲ್ ಕ್ವಾಡ್ ಕೋರ್ ಎಸ್‌ಒಸಿ, 2 ಜಿಬಿ ರ್ಯಾಮ್ ಮತ್ತು 10,000ಎಮ್‌ಎಎಚ್ ಬ್ಯಾಟರಿ ಹೊಂದಿದ್ದು, 32 ಜಿಬಿ ಆಂತರಿಕ ಸ್ಟೋರೇಜ್ ಸಾಮರ್ಥ್ಯದ ಜೊತೆಗೆ 64 ಜಿಬಿ ವಿಸ್ತರಣೆಯ ಸ್ಟೋರೇಜ್ ಸಾಮರ್ಥ್ಯ ಹೊಂದಿದೆ.
ಈ ಲ್ಯಾಪ್‌ಟಾಪ್‌ಗಳು ಟ್ರಾಕ್‌ಪ್ಯಾಡ್ ಜೊತೆ ಪೂರ್ಣ ಅಳತೆಯ ಕೀಬೋರ್ಡ್ ಹೊಂದಿದ್ದು, ಮೈಕ್ ಮತ್ತು ಹೆಡ್‌ಪೋನ್‌ಗಾಗಿ 3.5ಎಮ್‌ಎಮ್ ಕಾಂಬೊ ಜ್ಯಾಕ್, ಡ್ಯುಯಲ್-ಸ್ಪೀಕರ್ಸ್ ಮತ್ತು ಫ್ರಂಟ್ ಫೆಸಿಂಗ್ ವಿಜಿಎ ಕ್ಯಾಮೆರಾ ಹೊಂದಿದೆ.
ಕಾಂಪ್‌ಬುಕ್ ಎಕ್ಸಲೆನ್ಸ್ ಮತ್ತು ಕಾಂಪ್‌ಬುಕ್ ಎಗ್‌‌ಝಂಪ್ಲೈರ್ ಆವೃತ್ತಿಯ ಲ್ಯಾಪ್‌ಟಾಪ್‌ಗಳು 8.5 ಗಂಟೆ ಬಾಳಿಕೆ ಬರುವ 10,000ಎಮ್‌ಎಎಚ್ ಬ್ಯಾಟರಿ ಹೊಂದಿದ್ದು, ಮಾರುಕಟ್ಟೆಯಲ್ಲಿ ಕೋಬಾಲ್ಟ್ ಬ್ಲ್ಯೂ ಮತ್ತು ಬ್ಲಾಕ್ ಬಣ್ಣದಲ್ಲಿ ಲಭ್ಯವಿದೆ.
