ಎಚ್‌ಪಿ ಸಂಸ್ಥೆಯಿಂದ ವಿಶ್ವದ ಅತಿ ತೆಳುವಾದ ಲ್ಯಾಪ್‌ಟಾಪ್ ಮಾಡೆಲ್ ಮಾರುಕಟ್ಟೆಗೆ

ವಿಶ್ವದ ಅತೀ ತೆಳುವಾದ ಎಚ್‌ಪಿ ಸ್ಪೆಕ್ಟರ್ ಲ್ಯಾಪ‌್‌ಟಾಪ್ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಲಿದೆ . ಈ ಆವೃತ್ತಿಯ ಲ್ಯಾಪ್‌ಟಾಪ್‌ 78,647 ರೂಪಾಯಿಗಳಲ್ಲಿ ಗ್ರಾಹಕರಿಗೆ ಲಭ್ಯವಾಗಲಿದೆ.

ಈ ಆವೃತ್ತಿಯ ಲ್ಯಾಪ್‌ಟಾಪ್‌ಗಳು ಜೂನ್ ಮೂರನೇ ವಾರದ ವೇಳೆಗೆ ಭಾರತದ ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಲಿದೆ ಎಂದು ಪರಿಣಿತ ಉದ್ಯಮಿಗಳು ಅಭಿಪ್ರಾಯಪಟ್ಟಿದ್ದಾರೆ.

ಎಚ್‌ಪಿ ಸ್ಪೆಕ್ಟರ್ ಆವೃತ್ತಿಯ ಲ್ಯಾಪ್‌ಟಾಪ್‌ಗಳು ಎಎಎ ವೈಶಿಷ್ಟ್ಯದ ಬ್ಯಾಟರಿ ಹೊಂದಿದ್ದು, 10.4 ಮಿಲಿಮೀಟರ್ ತೆಳುವಾದ ವಿಸ್ತೀರ್ಣ ಹೊಂದಿದೆ. 12 ಇಂಚಿನ ಮ್ಯಾಕ್‌ಬುಕ್ ಆವೃತ್ತಿಯ ಲ್ಯಾಪ್‌ಟಾಪ್‌ಗಳು 0.52 ಇಂಚು ತೆಳುವಾಗಿದ್ದು, ಮ್ಯಾಕ್‌ಬುಕ್ ಏರ್ ಆವೃತ್ತಿಯ ಲ್ಯಾಪಟಾಪ್‌ಗಳು 0.68 ಇಂಚಿನಷ್ಟು ತೆಳವಾಗಿದೆ.

ಈ ಹೊಸ ಆವೃತ್ತಿಯ ಲ್ಯಾಪ್‌ಟಾಪ್‌ಗಳು ಗೋರಿಲ್ಲಾ ಗ್ಲಾಸ್ ರಕ್ಷಣೆಯ 13.3 ಇಂಚ್ ಫುಲ್ ಎಚ್‌ಡಿ ಸ್ಕ್ರೀನ್ ಹೊಂದಿದ್ದು, 8 ಜಿಬಿ ಎಲ್‌ಡಿಡಿಆರ್‌-3 ರ್ಯಾಮ್ ಮತ್ತು 512 ಜಿಬಿ ಎಸ್‌ಎಸ್‌ಡಿ ಸ್ಟೋರೇಜ್ ಜೊತೆಗೆ ಆರನೇಯ ಪೀಳಿಗೆಯ ಇಂಟೆಲ್ ಕೋರ್ ಐ-5 ಮತ್ತು ಐ-7 ಪ್ರೊಸೆಸರ್‌ ಹೊಂದಿದೆ.

ಈ ಲ್ಯಾಪ್‌ಟಾಪ್‌ಗಳು 9.45 ಗಂಟೆ ಬಾಳಿಕೆ ಬರುವ ಹೈಬ್ರಿಡ್ ಬ್ಯಾಟರಿ ವೈಶಿಷ್ಟ್ಯ ಹೊಂದಿದ್ದು, ಮೂರು ವಿಧದ ಯುಎಸ್‌ಬಿ, ಐ/ಓ ಪೋರ್ಟ್ ವ್ಯವಸ್ಥೆಯನ್ನು ಹೊಂದಿದೆ.

ವೆಬ್‌ದುನಿಯಾ ಮೊಬೈಲ್ ಆಪ್ ಡೌನ್‌ಲೋಡ್ ಮಾಡಿಕೊಂಡು ತಾಜಾ ಸುದ್ದಿಗಳನ್ನು ಪಡೆಯಿರಿ.