ಹೊಂಡಾ ನವೀ ಮಾಡೆಲ್‌ನ 10 ಸಾವಿರ ದ್ವಿಚಕ್ರ ವಾಹನಗಳ ಮಾರಾಟ

ಭಾರತೀಯ ಯುವ ಪೀಳಿಕೆಯನ್ನು ಆಕರ್ಷಿಸುತ್ತಿರುವ ಹೊಂಡಾ ನವೀ ಆವೃತ್ತಿಯ ಬೈಕ್‌ಗಳು 10 ಸಾವಿರ ಮಾರಾಟದ ಗಡಿ ದಾಟಿದೆ ಎಂದು ಹೊಂಡಾ ಮೋಟರ್ ಸೈಕಲ್ ಆಂಡ್ ಸ್ಕೂಟರ್ ಇಂಡಿಯಾ ಘೋಷಿಸಿದೆ.

ಪ್ರಸಕ್ತ ಸಾಲಿನ ಫೆಬ್ರುವರಿ ತಿಂಗಳಲ್ಲಿ ನಡೆದ ಆಟೋ ಎಕ್ಸ್ಪೋ ಕಾರ್ಯಕ್ರಮದಲ್ಲಿ ಬಿಡುಗಡೆ ಮಾಡಿದ ಹೊಂಡಾ ನವೀ ದ್ವಿಚಕ್ರವಾಹನಗಳು ಭಾರತೀಯ ಯುವಕರನ್ನು ಆಕರ್ಷಿಸುವಲ್ಲಿ ಯಶಸ್ವಿಯಾಗಿದ್ದವು.

ಹೊಂಡಾ ನವೀ ಆವೃತ್ತಿಯ ಬೈಕ್‌ಗಳಿಗೆ ಗ್ರಾಹಕರು ನೀಡಿರುವ ಪ್ರತಿಕ್ರಿಯೆಯಿಂದ ಸಂತವಾಗಿದೆ ಎಂದು ಹೋಂಡಾ ಸಂಸ್ಥೆಯ ಮಾರಾಟ ಮತ್ತು ಮಾರುಕಟ್ಟೆ ವಿಭಾಗದ ಹಿರಿಯ ಉಪಾಧ್ಯಕ್ಷ ಯದ್ವಿಂದರ್ ಸಿಂಗ್ ಹೇಳಿದ್ದಾರೆ.

ಹೊಂಡಾ ನವೀ ಆವೃತ್ತಿಯ ಬೈಕ್‌ಗಳು 10 ಸಾವಿರ ಮಾರಾಟದ ಗಡಿ ದಾಟಿರುವದನ್ನು ಸಂಭ್ರಮಿಸುತ್ತಿರುವ ಸಂಸ್ಥೆ, ಉತ್ಪಾದನೆಯನ್ನು ಹೆಚ್ಚಿಸುವ ಮೂಲಕ ಹೊಸ ನಗರಗಳಿಗೆ ವಿಸ್ತರಿಸಲು ನಿರ್ಧರಿಸಿದೆ. ಈ ಬೈಕ್‌ಗಳ ಬುಕ್ಕಿಂಗ್‌ಗಳಲ್ಲಿ ಹೆಚ್ಚಳವಾಗಿದೆ ಎಂದು ಕಂಪೆನಿಯ ವಕ್ತಾರರು ತಿಳಿಸಿದ್ದಾರೆ.

ಹೊಂಡಾ ನವೀ ಆವೃತ್ತಿಯ ಬೈಕ್‌ಗಳು 109 ಸಿಸಿ ಎಂಜಿನ್, 8 ಪಿಎಸ್ ನಲ್ಲಿರುವ 7,000 ಆರ್‌ಪಿಎಮ್ ಮತ್ತು ಗರಿಷ್ಠ ಟಾರ್ಕ್ 8.96 ಎನ್‌ಎಮ್ ಜೊತೆಗೆ 5,500ಆರ್‌ಪಿಎಮ್ ವೈಶಿಷ್ಟ್ಯ ಹೊಂದಿದೆ. ಈ ಹೊಸ ವೈಶಿಷ್ಟ್ಯದ ಬೈಕ್ ಫ್ರಂಟ್ 12 ಮತ್ತು ರಿಯರ್ 10 ಟೈಯರ್‌ಗಳನ್ನು ಹೊಂದಿದೆ. 

ದೆಹಲಿ ಶೋ ರೂಮ್ ದರ ಹೊರತು ಪಡೆಸಿ ಹೋಂಡಾ ನವೀ ಆವೃತ್ತಿಯ ಬೈಕ್‌ಗಳು ಮಾರುಕಟ್ಟೆಯಲ್ಲಿ ಆರಂಭಿಕ ಬೆಲೆ 39,648 ರೂಪಾಯಿಗಳಲ್ಲಿ ಲಭ್ಯವಿದೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.