ಜಾಗತಿಕ ಮತ್ತು ದೇಶಿಯ ಮಾರುಕಟ್ಟೆಯಲ್ಲಿ ಚಿನ್ನದ ದರದಲ್ಲಿ ಏರಿಳಿತವಾದ ಪರಿಣಾಮ ಚಿನ್ನದ ಆಮದು ವಹಿವಾಟಿನಲ್ಲಿ ಕುಸಿತ ಕಂಡಿದೆ ಎಂದು ಮೂಲಗಳು ತಿಳಿಸಿವೆ.
ಜಾಗತಿಕ ಮಾರುಕಟ್ಟೆಯಲ್ಲಿ ದುರ್ಬಲಗೊಂಡ ಚಿನ್ನದ ದರ ಮತ್ತು ದೇಶದ ವಿತ್ತಿಯ ಕೊರತೆ ಹಿನ್ನೆಲೆಯಲ್ಲಿ 2015-16 ರ ಆರ್ಥಿಕ ವರ್ಷದಲ್ಲಿ ಚಿನ್ನದ ಆಮದು ವಹಿವಾಟು 8 ಪ್ರತಿಶತ ಇಳಿಕೆ ಕಂಡು 31.72 ಬಿಲಿಯನ್ ಡಾಲರ್‌ಗೆ ತಲುಪಿದೆ ಎಂದು ಮೂಲಗಳು ತಿಳಿಸಿವೆ.
2014-15 ರ ಆರ್ಥಿಕ ವರ್ಷದಲ್ಲಿ 34.38 ಬಿಲಿಯನ್ ಡಾಲರ್ ಚಿನ್ನವನ್ನು ಆಮದು ಮಾಡಿಕೊಳ್ಳಲಾಗುತ್ತಿತ್ತು.
ಕಳೆದ ಆರ್ಥಿಕ ವರ್ಷದ ಮಾರ್ಚ್ ತಿಂಗಳಿಗೆ ಹೋಲಿಸಿದರೆ ಪ್ರಸಕ್ತ ಆರ್ಥಿಕ ವರ್ಷದ ಮಾರ್ಚ್ ತಿಂಗಳಲ್ಲಿ ಚಿನ್ನದ ಆಮದು ವಹಿವಾಟಿನಲ್ಲಿ 80.48 ಪ್ರತಿಶತ ಕುಸಿತ ಕಂಡು 972.96 ಮಿಲಿಯನ್ ತಲುಪಿದೆ.
2014-15 ರ ಆರ್ಥಿಕ ವರ್ಷಕ್ಕೆ ಹೊಲಿಸಿದರೆ, 2015-16 ರ ಆರ್ಥಿಕ ವರ್ಷದಲ್ಲಿ ವಿತ್ತಿಯ ಕೊರತೆಯಿಂದ ಭಾರತದ ಜಿಡಿಪಿ ಬೆಳವಣಿಗೆ ದರದಲ್ಲಿ 1.5 ಪ್ರತಿಶತ ಇಳಿಕೆ ಕಂಡುಬಂದಿದ್ದು, ಮುಖ್ಯವಾಗಿ ಕಡಿಮೆ ವ್ಯಾಪಾರ ಕೊರತೆ ಈ ಬೆಳವಣಿಗೆಯ ಮೇಲೆ ಪರಿಣಾಮ ಬೀರಿದೆ.
ರತ್ನ ಮತ್ತು ಆಭರಣಗಳ ರಫ್ತು ವಹಿವಾಟಿನ ಮೇಲೆ ಚಿನ್ನದ ಆಮದು ಕುಸಿತ ಪರಿಣಾಮ ಬೀರಿದೆ. ಮಾರ್ಚ್ ತಿಂಗಳಲ್ಲಿ ರತ್ನ ಮತ್ತು ಆಭರಣಗಳ ರಫ್ತು ಕೇವಲ 4.6 ಪ್ರತಿಶತ ಏರಿಕೆಯಾಗಿ 3.61 ಬಿಲಿಯನ್ ಡಾಲರ್ ತಲುಪಿದೆ.