ಸ್ಮಾರ್ಟ್‌ಫೋನ್ ವಹಿವಾಟು: ಬ್ಲ್ಯಾಕ್‌ಬೆರ್ರಿ ಕಂಪೆನಿಗೆ 670 ಮಿಲಿಯನ್ ಡಾಲರ್ ನಷ್ಟ

ಕಳೆದ ತ್ರೈಮಾಸಿಕದಲ್ಲಿ ಜಾಗತಿಕ ಮಟ್ಟದಲ್ಲಿ 6 ಲಕ್ಷ ಪೋನ್‌ಗಳನ್ನು ಮಾರಾಟ ಮಾಡಿದ್ದ ಕೆನಡಿಯನ್ ಮೂಲದ ಮೊಬೈಲ್ ಸಂಸ್ಥೆ ಬ್ಲ್ಯಾಕ್‌ಬೆರ್ರಿ, ಪ್ರಸಕ್ತ ಆರ್ಥಿಕ ವರ್ಷದ ಮೊದಲ ತ್ರೈಮಾಸಿಕದಲ್ಲಿ 5 ಲಕ್ಷ ಪೋನ್‌ಗಳ ಮಾರಾಟದ ಮೂಲಕ ಎರಡು ವರ್ಷಗಳಲ್ಲಿಯೇ ಅತಿ ಹೆಚ್ಚು 670 ಮಿಲಿಯನ್ ಡಾಲರ್ ನಷ್ಟ ಅನುಭವಿಸಿದೆ. 

ಸಂಸ್ಥೆಯ ಒಟ್ಟು ಮಾರಾಟದಲ್ಲಿ 39 ಪ್ರತಿಶತ ಕುಸಿತ ಕಂಡುಬಂದ ಪರಿಣಾಣವಾಗಿ 400 ಮಿಲಿಯನ್ ಡಾಲರ್ ನಷ್ಟ ಸಂಭವಿಸಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.

ನಾವು ಮೊಬೈಲ್ ಮಾರಾಟ ಬಿಟ್ಟು ಬೇರೆ ವ್ಯವಹಾರಗಳಿಂದಲು ಹಣ ಮಾಡಬಹುದಾಗಿದೆ ಎಂದು ಬ್ಲ್ಯಾಕ್‌ಬೆರ್ರಿ ಸಂಸ್ಥೆಯ ಸಿಇಓ ಜಾನ್ ಚಿನ್ ಅಭಿಪ್ರಾಯ ಪಟ್ಟಿದ್ದಾರೆ.

ಕಳೆದ ವರ್ಷ ಬ್ಲ್ಯಾಕ್‌ಬೆರ್ರಿ ಸಂಸ್ಥೆ, ಗೂಗಲ್ ಆಂಡ್ರೈಡ್ ಓಎಸ್ ವೈಶಿಷ್ಟ್ಯ ಹೊಂದಿರುವ ಪ್ರೀವ್ ಹೆಸರಿನ ಸ್ಮಾರ್ಟ್‌ಪೋನ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸಿತ್ತು. ಆದರೆ, ಈ ಪೋನ್‌ಗಳಿಗೆ ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ದೊರೆತಿರಲ್ಲಿಲ್ಲ

ಮುಂದಿನ ದಿನಗಳಲ್ಲಿ ಸ್ಮಾರ್ಟ್‌ಪೋನ್ ಉತ್ಪಾದನೆಯನ್ನು ಮುಂದುವರೆಸಬೇಕಾ ಅಥವಾ ಇಲ್ಲಿಗೆ ನಿಲ್ಲಿಸಬೇಕಾ ಎಂಬುದರ ಕುರಿತು ಸೆಪ್ಟೆಂಬರ್ ತಿಂಗಳಲ್ಲಿ ಚರ್ಚೆ ನಡೆಸಿ ನಿರ್ಧಾರ ತೆಗೆದುಕೊಳ್ಳಲಾಗುವುದು ಎಂದು ಸಂಸ್ಥೆ ತಿಳಿಸಿದೆ. 

ಸ್ಮಾರ್ಟ್‌ಪೋನ್ ವ್ಯವಹಾರ ಯಾವಾಗಲು ಲಾಭದಾಯಕವಾಗಿರಬೇಕು. ನಾವು ವ್ಯವಹಾರ ಬಿಟ್ಟು ತೆರಳಲು ಸಾಧ್ಯವಿಲ್ಲ. ಸ್ಮಾರ್ಟ್‌ಪೋನ್‌ಗಳೇ ಸಂಸ್ಥೆಯ ಭವಿಷ್ಯವನ್ನು ನಿರ್ಧರಿಸುತ್ತವೆ ಎಂದು ನಾನು ವೈಯಕ್ತಿಕವಾಗಿ ನಂಬುವುದಿಲ್ಲ ಎಂದು ಬ್ಲ್ಯಾಕ್‌ಬೆರ್ರಿ ವಾರ್ಷಿಕ ಸಮ್ಮೆಳನದಲ್ಲಿ ಸಂಸ್ಥೆಯ ಸಿಇಓ ಚೆನ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. 

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ