ಹೊಸ ವರ್ಷಕ್ಕೆ ಅಡಿಯಿಡುತ್ತಿರುವ ಉತ್ಸಾಹದಲ್ಲಿರುವವರಿಗೆ ನಾನಾ ಕಂಪನಿಗಳು ಹೊಸಹೊಸ ಆಫರ್‌ಗಳನ್ನು ಪ್ರಕಟಿಸುತ್ತಿವೆ. ಬಡ್ಜೆಟ್ ಕ್ಯಾರಿಯರ್ ಏರ್ ಏಷಿಯಾ ತನ್ನ ಪ್ರಯಾಣಿಕರಿಗೆ ಬಂಪರ್ ಆಫರ್ ಪ್ರಕಟಿಸಿದೆ. ನ್ಯೂ ಇಯರ್ ಸೇಲ್ ಆಫರ್ ಮೂಲಕ ರೂ.917ಕ್ಕೆ ಟಿಕೆಟ್ ಮಾರಾಟ ಮಾಡುವುದಾಗಿ ಹೇಳಿದೆ.
ಈ ಆಫರ್ ಜನವರಿ 1, 2017ರಿಂದ ಲಭ್ಯವಾಗಲಿದೆ ಎಂದು ಏರ್ ಏಷಿಯಾ ಹೊಸ ಕೊಡುಗೆಯನ್ನು ಪ್ರಕಟಿಸಿದೆ. ಮಾರ್ಚ್ 1, 2017ರಿಂದ ಅಕ್ಟೋಬರ್ 31, 2017ರ ನಡುವೆ ಪ್ರಯಾಣಿಸುಉವವರಿಗೆ ಇದು ಅನ್ವಯವಾಗಲಿದೆಯಂತೆ.
ಬೆಂಗಳೂರು-ಕೊಚ್ಚಿ, ಬೆಂಗಳೂರು-ಗೋವಾ, ಬೆಂಗಳೂರು-ಹೈದರಾಬಾದ್ ಮಾರ್ಗಗಳ ಟಿಕೆಟ್ ಬೆಲೆ ರೂ.917ರಷ್ಟಿರುತ್ತದೆ. ನವದೆಹಲಿ-ಗೋವಾ, ನವದೆಹಲಿ-ಬೆಂಗಳೂರು ಮಾರ್ಗಗಳ ಟಿಕೆಟ್ ಬೆಲೆ ರೂ.2,917, ರೂ.2,217ರಿಂದ ಪ್ರಾರಂಭವಾಗಲಿದೆ ಎಂದು ಏರ್ ಏಷಿಯಾ ತಿಳಿಸಿದೆ.
ಇದರಲ್ಲಿ ಎಲ್ಲಾ ತರದ ಶುಲ್ಕಗಳು ಸೇರಿವೆ. ಬೆಂಗಳೂರು, ನವದೆಹಲಿ ಎರಡು ಹಬ್‌ಗಳಲ್ಲಿ ಏರ್ ಏಷಿಯಾ ಸದ್ಯಕ್ಕೆ 11 ದೇಶೀಯ ಮಾರ್ಗಗಳಲ್ಲಿ ಸೇವೆ ಕೊಡುತ್ತಿದೆ. ಚಂಡೀಪುರ್, ಜೈಪುರ್, ಗುವಾವಟಿ, ಇಂಫಾಲ್, ಪುಣೆ, ಗೋವಾ, ವಿಶಾಲಪಟ್ಟಣಂ, ಕೊಚ್ಚಿ, ಹೈದರಾಬಾದ್ ಗಮ್ಯಸ್ಥಾನಗಳನ್ನು ಕವರ್ ಮಾಡುತ್ತಿದೆ.
ಬೆಂಗಳೂರುನಿಂದ ಗೋವಾ, ಪುಣೆ ಕನೆಕ್ಟಿವಿಟಿಯನ್ನು ಹೆಚ್ಚಿಸಲು ಹೆಚ್ಚಿನ ಸೇವೆಗಳನ್ನು ಬಡ್ಜೆಟ್ ಕ್ಯಾರಿಯರ್ ಕೊಡುತ್ತಿದೆ. ಆದರೆ ಈ ಪ್ರೊಮೋಷನಲ್ ಆಫರ್ ಮೂಲಕ ಏರ್ ಏಷಿಯಾ ಎಷ್ಟು ಟಿಕೆಟ್ ಮೀಸಲಿಡುತ್ತದೆ ಎಂಬುದನ್ನು ಇನ್ನೂ ಪ್ರಕಟಿಸಿಲ್ಲ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.