ಇನ್‌ಸ್ಟಾಗ್ರಾಂ ಹ್ಯಾಕ್‌ ಮಾಡಿದ ಬಾಲಕನಿಗೆ 10,000 ಡಾಲರ್ ಬಹುಮಾನ

ಫೋಟೋ ಹಂಚಿಕೆ ಸೇವೆ ನೀಡುತ್ತಿರುವ ಇನ್‌ಸ್ಟಾಗ್ರಾಂ ವೆಬ್‌ಸೈಟ್ ಹ್ಯಾಕ್ ಮಾಡಿದ ಫಿನ್‌ಲ್ಯಾಂಡ್ ಮೂಲದ 10 ವರ್ಷದ ಬಾಲಕನಿಗೆ ದೈತ್ಯ ಫೇಸ್‌ಬುಕ್ ಸಂಸ್ಥಾಪಕ ಮಾರ್ಕ್‌ ಜುಕರ್‌ಬರ್ಗ್‌ 6.6 ಲಕ್ಷ ರೂಪಾಯಿ ಬಹುಮಾನವನ್ನು ನೀಡಿದ್ದಾರೆ.

ಫಿನ್‌ಲ್ಯಾಂಡ್‌ನ ಹೆಲ್ಸಿಂಕಿ ಮೂಲದ 10 ವರ್ಷದ ಜಾನಿ ಇನ್‌ಸ್ಟಾಗ್ರಾಂ ವೆಬ್‌ಸೈಟ್ ಹ್ಯಾಕ್ ಮಾಡಿ ಈ ಬಹುಮಾನವನ್ನು ಪಡೆದುಕೊಂಡಿದ್ದಾನೆ. ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ರಾಪ್ತ ವಯಸ್ಕರಿಗೆ ಪ್ರವೇಶವಿಲ್ಲದ ಹಿನ್ನೆಲೆಯಲ್ಲಿ ಜಾನಿ ಖಾತೆ ಹೊಂದದೆ, ಇನ್‌ಸ್ಟಾಗ್ರಾಂ ವೆಬ್‌ಸೈಟ್‌ನ್ನು ಹ್ಯಾಕ್ ಮಾಡಿ ಅದರಲ್ಲಿರುವ ದೋಷವನ್ನು ತೋರಿಸಿಕೊಟ್ಟಿದರಿಂದ ಆತನಿಕೆ ಬಹುಮಾನ ನೀಡಲಾಗಿದೆ.

ಇನ್‌ಸ್ಟಾಗ್ರಾಂ ವೆಬ್‌ಸೈಟ್ ಸರ್ವರ್‌ ಕೋಡ್‌ ಬದಲಾಯಿಸಿ, ಬಳಕೆದಾರರ ಕಮೆಂಟ್ ಮತ್ತು ತಲೆ ಬರಹವನ್ನು ಜಾನಿ ಡೀಲಿಟ್ ಮಾಡುತ್ತಿದ್ದ. ಖ್ಯಾತ ಗಾಯಕ ಜಸ್ಟೀನ್‌ ಬಿಬರ್‌ ಸೇರಿದಂತೆ ಯಾವುದೇ ಬಳಕೆದಾರರನ್ನು ಇನ್‌ಸ್ಟಾಗ್ರಾಂ ಸೈಟ್‌ನಿಂದ ಡೀಲಿಟ್ ಮಾಡಬಹುದಿತ್ತು ಎಂದು ಬಾಲಕ ಹೇಳಿದ್ದಾನೆ.