ಆನ್‍ಲೈನ್ ಶಾಪಿಂಗ್ ದಿಗ್ಗಜ ಸ್ನಾಪ್ಡೀಲ್ ಮತ್ತೊಂದು ಪ್ರಯೋಗಕ್ಕೆ ಸಿದ್ಧವಾಗಿದೆ. ತನ್ನ ಗ್ರಾಹಕರು ಎದುರು ನೋಡುತ್ತಿರುವ ರಿಯಲಯನ್ಸ್ ಜಿಯೋ ಸಿಮ್‌ಗಳನ್ನು ಅವರ ಮನೆಗೆ ತಲುಪಿಸಲು ಸಿದ್ದತೆಗಳನ್ನು ಮಾಡಿಕೊಳ್ಳುತ್ತಿದೆ. ಈ ಮೂಲಕ ಕೂತಿರುವಲ್ಲಿಗೆ ಜಿಯೋ ಸಿಮ್ ಬರಲಿದೆ.
ಸ್ನಾಪ್ಡೀಲ್ ಸೈಟ್ ಮೂಲಕ ಸಿಮ್ ಕಾರ್ಡನ್ನು ಬುಕ್ ಮಾಡಿಕೊಂಡ ಗ್ರಾಹಕರಿಗೆ ಅವರಿರುವಲ್ಲಿಗೆ ತಲುಪಿಸಿ ಅಲ್ಲೇ ಆಕ್ಟಿವೇಷನ್ ಸಹ ಮಾಡಲಿದ್ದಾರೆ. ವೆಲ್‍ಕಮ್ ಆಫರ್‌ನ ಜಿಯೋ ಸಿಮ್‌ಗಳನ್ನು ಉಚಿತವಾಗಿ ನೀಡಲಿದ್ದಾರೆ. ಮುಂಚಿತವಾಗಿ ತಮ್ಮ ಸಂಪೂರ್ಣ ವಿಳಾಸವನ್ನು ಸ್ನಾಪ್‌ಡೀಲ್‌ಗೆ ಕೊಡಬೇಕಾಗಿರುತ್ತದೆ.
ಡೆಲಿವರಿ ಸಮಯದಲ್ಲಿ ಆಧಾರ್ ಕಾರ್ಡ್ ವಿವರಗಳನ್ನು ಆಕ್ಟಿವೇಷನ್ ಸಂದರ್ಭದಲ್ಲಿ ನೀಡಬೇಕಾಗುತ್ತದೆ. ಆಯ್ದ ಪ್ರದೇಶಗಳಲ್ಲಿ ಮಾತ್ರ ಈ ಸೌಲಭ್ಯವನ್ನು ಕಲ್ಪಿಸಿದೆ ಸ್ನಾಪ್ಡೀಲ್. ಇದಕ್ಕೆ ಸಂಬಂಧಿಸಿದಂತೆ ಸ್ನಾಪ್ಡೀಲ್ ತನ್ನ ಗ್ರಾಹಕರಿಗೆ ಇ-ಮೇಲ್‍ಗಳನ್ನು ಕಳುಹಿಸುತ್ತಿದೆ. ಅಧಿಕೃತವಾಗಿ ಈ ಸೇವೆ ಯಾವಾಗ ಲಭ್ಯವಾಗಲಿದೆ ಎಂಬ ಬಗ್ಗೆ ಇನ್ನೂ ಪ್ರಕಟಣೆ ಹೊರಬಿದ್ದಿಲ್ಲ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
