ಫೆಬ್ರುವರಿ ತಿಂಗಳಲ್ಲಿ ಮೊಬೈಲ್ ಗ್ರಾಹಕರ ಸಂಖ್ಯೆಯಲ್ಲಿ ಹೆಚ್ಚಳ

PR

ಜಿಎಸ್‌ಎಂ ನೆಟ್‌ವರ್ಕ್ ಮೊಬೈಲ್ ಗ್ರಾಹಕರ ಸಂಖ್ಯೆಯಲ್ಲಿ ಶೇ.1 ಕ್ಕಿಂತ ಹೆಚ್ಚಾಗಿ 71.10 ಕೋಟಿ ಗ್ರಾಹಕರಿಗೆ ತಲುಪಿದೆ. ಫೆಬ್ರವರಿ ತಿಂಗಳಲ್ಲಿಯೇ 76.1 ಲಕ್ಷ ಗ್ರಾಹಕರ ಸಂಖ್ಯೆಯಲ್ಲಿ ಹೆಚ್ಚಳವಾಗಿದೆ ಎಂದು ಟೆಲಿಕಾಂ ಮೂಲಗಳು ತಿಳಿಸಿವೆ.

ಸೆಲ್ಯೂಲರ ಅಪರೇಟರ್‌ ಅಸೋಸಿಯೇಶನ್‌ ಆಪ್‌ ಇಂಡಿಯಾ ( ಸಿಓಎಐ) ಅನುಸಾರ ಈ ಹೆಚ್ಚಳದಲ್ಲಿ ಏರ್‌‌ಟೆಲ್‌‌ ಗ್ರಾಹಕರ ಸಂಖ್ಯೆ ಇಲ್ಲ. ಕೆಲವು ತಾಂತ್ರಿಕ ಕಾರಣ ಗಳಿಂದ ಏರ್‌‌ಟೆಲ್‌ ಗ್ರಾಹಕರ ಸಂಖ್ಯೆ ಇದರಲ್ಲಿ ಇಲ್ಲ ಎಂದು ಹೇಳಲಾಗುತ್ತಿದೆ. ಜನೆವರಿಯಲ್ಲಿ ಏರ್‌‌‌ಟೆಲ್‌ ಗ್ರಾಹಕರ ಸಂಖ್ಯೆ 20.08 ಕೋಟಿಯಷ್ಟಿತ್ತು.

ಜನೆವರಿ ತಿಂಗಳಲ್ಲಿ ಜಿಎಸ್‌‌‌ಎಂ ಗ್ರಾಹಕರ ಸಂಖ್ಯೆ 70.34 ಕೋಟಿಯಷ್ಟಿತ್ತು . ಫೆಬ್ರುವರಿ ತಿಂಗಳಲ್ಲಿ ಐಡಿಯಾ ಸೆಲ್ಯೂಲರ್ ಗ್ರಾಹಕರ ಸಂಖ್ಯೆಯಲ್ಲಿ 33.32 ಲಕ್ಷ ಹೆಚ್ಚಳವಾಗುವುದರ ಮೂಲಕ ಕಂಪೆನಿಯ ಒಟ್ಟು ಗ್ರಾಹಕರ ಸಂಖ್ಯೆ 13.5 ಕೋಟಿಯಷ್ಟಾಗಿದೆ. ಈ ತಿಂಗಳಲ್ಲಿ ವೋಡಾಫೋನ್ ಗ್ರಾಹಕರ ಸಂಖ್ಯೆಯಲ್ಲಿ 21.55 ಲಕ್ಷ ಹೆಚ್ಚಳವಾಗುವುದರ ಮೂಲಕ 16.43 ಕೋಟಿ ಯಷ್ಟಾಗಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ.