ಇಲ್ಲಿಯವರೆಗೆ ನಿವು ನೋಟಿನ ಮೇಲೆ ಎನಾದರು ಬರೆಯುತ್ತಿದ್ದಿರಿ. ಆದರೆ ಇನ್ನು ಮುಂದೆ ನೋಟಿನ ಮೇಲೆ ಏನನ್ನು ಬರೆಯಲು ಹೋಗಬೇಡಿ . ಜನೆವರಿ 1 ರಿಂದ ನೋಟಿನ ಮೇಲೆ ಎನಾದರು ಬರೆದರೆ , ಅಂತಹ ನೋಟುಗಳನ್ನು ಬ್ಯಾಂಕುಗಳು ಸ್ವೀಕರಿಸುವುದಿಲ್ಲ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್‌ನ ಡೆಪ್ಯೂಟಿ ಗವರ್ನರ್ ಕೆಸಿ ಚಕ್ರವರ್ತಿ ಹೇಳಿದ್ದಾರೆ.
ನೋಟಿನ ಮೇಲೆ ಏನನ್ನೂ ಬರೆಯಲು ಹೋಗಬೇಡಿ, ನೋಟುಗಳನ್ನು ಸ್ವಚ್ಛವಾಗಿ ಇಡುವ ಉದ್ದೇಶ ನಮ್ಮದಾಗಿದೆ. ಜನರಲ್ಲಿ ಜಾಗೃತಿ ಮೂಡಿಸುವ ಸಲುವಾಗಿ ಈ ಕ್ರಮ ಕೈಗೊಳ್ಳಲಾಗಿದೆ. ಒಂದು ವೇಳೆ ನೋಟಿನ ಮೇಲೆ ಎನಾದರು ಬರೆದರೆ, ದೇಶದ ಯಾವುದೇ ಬ್ಯಾಂಕ್ ಆ ನೋಟುಗಳನ್ನು ಸ್ವೀಕರಿಸುವುದಿಲ್ಲ. ಈ ಕ್ರಮದಿಂದ ಜನರು ನೋಟಿನ ಮೇಲೆ ಬರೆಯುವುದನ್ನು ನಿಲ್ಲಿಸುತ್ತಾರೆ ಎಂದು ಚಕ್ರವರ್ತಿ ತಿಳಿಸಿದ್ದಾರೆ.
ಜನೆವರಿ ಮೊದಲ ದಿನದಿಂದ ಈ ರೀತಿ ನೋಟಿನ ಮೇಲೆ ಎನಾದರೂ ಬರೆದರೆ , ಆ ನೋಟುಗಳನ್ನು ಬ್ಯಾಂಕಿನ ಸಿಬ್ಬಂದಿ ಸ್ವೀಕರಿಸುವುದಿಲ್ಲ ಮತ್ತು ಬ್ಯಾಂಕಿನ ಸಿಬ್ಬಂದಿ ಕೂಡ ನೋಟುಗಳ ಮೇಲೆ ಏನನ್ನು ಬರೆಯಬಾರದು ಎಂದು ಆರ್‌ಬಿಐ ಆದೇಶಿಸಿದೆ.