ಆತನ ಹೆಂಡತಿ ತೀರಿಕೊಂಡಿದ್ದಳು. ಶವಯಾತ್ರೆ ಇಕ್ಕಟ್ಟಾದ ಸಂಧಿಯಲ್ಲಿ ಸಾಗುತ್ತಿರುವಾಗ ಶವಪೆಟ್ಟಿಗೆಗೆ ಗೋಡೆ ತಾಗಿ ಮುಚ್ಚಳ ತೆರೆದುಕೊಂಡಿತು. ಪಕ್ಕನೆದ್ದು ಬಿಟ್ಟಳು ಹೆಂಡತಿ... ಅವಳು ಸತ್ತಿರಲಿಲ್ಲ...!
ಕೆಲ ದಿನಗಳ ನಂತರ ಆಕೆ ಮತ್ತೊಮ್ಮೆ ಸತ್ತಳು. ಶವಯಾತ್ರೆ ಸಾಗುತ್ತಿರುವಾಗ ಈ ಬಾರಿ ಗಂಡ ಹೇಳಿದ, 'ಹುಷಾರು, ಗೋಡೆಗೆ ತಾಗಿಸಬೇಡಿ'..!
**********
ನೀರು
ಹೆಂಡತಿ (ಫೋನ್‌ನಲ್ಲಿ): ಕಾರಿನ ಎಂಜಿನ್‌ಗೆ ನೀರು ಸೇರ್ಕೊಂಡಿದೆ.
ಗಂಡ: ಕಾರು ಎಲ್ಲಿದೆ?
ಹೆಂಡತಿ: ನೀರಿನೊಳಗೆ ಮುಳುಗಿದೆ..!
****
ಮದುವೆ
ಮಗ: ಅಪ್ಪಾ, ಆಫ್ರಿಕಾದಲ್ಲಿ ಮದುವೆ ಆಗುವವರೆಗೆ ಹೆಂಡತಿ ಯಾರು, ಎಂಥವಳು ಎಂದು ಗೊತ್ತೇ ಇರುವುದಿಲ್ಲವಂತೆ, ಹೌದೆ?
ಅಪ್ಪ: ಎಲ್ಲಾ ಕಡೇನೂ ಹಾಗೇ ಮಗೂ...!
*****
ಬೇಕಾಗಿದ್ದಾಳೆ..!
'ಹೆಂಡತಿ ಬೇಕಾಗಿದ್ದಾಳೆ' ಎಂದು ಒಬ್ಬಾತ ಪತ್ರಿಕೆಯಲ್ಲಿ ಜಾಹಿರಾತು ಕೊಟ್ಟ. ಮಾರನೆಯ ದಿನ ಸಾವಿರಾರು ಕಾಗದಗಳು ಬಂದಿದ್ದವು. ಎಲ್ಲದರಲ್ಲೂ ಅದೇ ಡೈಲಾಗ್.. - 'ನನ್ನ ಹೆಂಡತಿಯನ್ನು ಕರೆದುಕೊಂಡು ಹೋಗಬಹುದು'...!