ಪ್ರೀತಿಯ ಹಿನ್ನಲೆ

ಒಬ್ಬ: ದೇವರು ಮಹಿಳೆಯರನ್ನು ಯಾಕೆ ಸುಂದರಿಯರನ್ನಾಗಿ ಮಾಡಿದ?

ಮತ್ತೊಬ್ಬ: ನಿನ್ನಂಥವರು ಅವರನ್ನು ಪ್ರೀತಿಸಲು.

ಒಬ್ಬ: ಆದರೆ ಅವರನ್ನೂ ಮೂರ್ಖರನ್ನಾಗಿ ಮಾಡಿದ್ದು ಯಾಕೆ?

ಮತ್ತೊಬ್ಬ: ಮತ್ತೆ.. ನಿನ್ನಂಥವರನ್ನು ಪ್ರೀತಿಸಬೇಕಲ್ಲ..!

*******

ಸ್ವರ್ಗದ ವಿವರಣೆ

ಹೆಂಡತಿ: ಪತಿ - ಪತ್ನಿ ಇಬ್ಬರನ್ನೂ ಜತೆಯಾಗಿ ಸ್ವರ್ಗಕ್ಕೆ ಬಿಡುವುದಿಲ್ಲ.. ಯಾಕಂತ ನಿಮಗ್ಗೊತ್ತಾ?

ಗಂಡ: ಹೌದು.. ನನಗ್ಗೊತ್ತು. ಹಾಗೆಲ್ಲಾದ್ರೂ ಒಟ್ಟಿಗೆ ಬಿಟ್ಟಿದ್ದೇ ಆದ್ರೆ ಅದನ್ನು ಸ್ವರ್ಗ ಅಂತಾದರೂ ಯಾಕೆ ಕರೆಯಬೇಕು?!

******

ಸೇಡಿನ ರೀತಿ

ಗಂಡ: ನಾನು ನಿನ್ನ ಮೇಲೆ ಎಷ್ಟೇ ರೇಗಾಡಿದ್ರೂ ನೀನ್ಯಾಕೆ ಕೋಪ ಮಾಡ್ಕೊಳಲ್ಲ? ಹೇಗೆ ಕೋಪ ನಿಯಂತ್ರಿಸ್ತೀಯಾ?

ಹೆಂಡತಿ: ಟಾಯ್ಲೆಟ್ ಕ್ಲೀನ್ ಮಾಡ್ತೀನಿ..

ಗಂಡ: ಹಾಗೆ ಮಾಡಿದ್ರೆ ಎಲ್ಲ ಸರಿ ಹೋಗತ್ತಾ?

ಹೆಂಡತಿ: ಅದಕ್ಕೆ ನಾನು ನಿಮ್ಮ ಟೂತ್‌ಬ್ರಶ್ ಬಳಸ್ತೀನಿ..!

********

ಮದುವೆ ಮಾಡ್ಕೊಳ್ರೀ..

ಆತ: ಸುದೀರ್ಘ ಬದುಕಿಗಾಗಿ ಏನಾದರೂ ದಾರಿ ಇದೆಯೇ?

ಡಾಕ್ಟರ್: ಮದುವೆಯಾಗುವುದು.

ಆತ: ಇದರಿಂದ ಹೇಗೆ ಸಾಧ್ಯ?

ಡಾಕ್ಟರ್: ಹಾಗಲ್ಲ.. ನೀವು ಮದುವೆ ಮಾಡ್ಕೊಂಡ್ರೆ ನಂತ್ರ ನಿಮ್ಗೆ ಸುದೀರ್ಘ ಜೀವನ ಮತ್ತೆ ಬೇಕು ಅಂತ ಅನ್ನಿಸೋದೇ ಇಲ್ಲ..!

********

ಭಾಗ್ಯವಂತ

ಆತ: ಸಾರ್.. ನನ್ನ ಹೆಂಡತಿ ಕಾಣಿಸ್ತಾ ಇಲ್ಲ..

ಪೋಸ್ಟ್‌ಮ್ಯಾನ್: ಇದು ಪೋಸ್ಟ್ ಆಫೀಸ್ ಕಣಪ್ಪಾ... ಪೊಲೀಸ್ ಸ್ಟೇಷನ್‌‌ಗೆ ಹೋಗು.

ಆತ: ನಾನೇನು ಮಾಡ್ಲಿ.. ಖುಷಿಯಲ್ಲಿ ಏನು ಮಾಡ್ಬೇಕುಂತಾನೇ ಗೊತ್ತಾಗ್ತಿಲ್ಲ..!