ತವರಿನ ತಂಡದ ಜತೆಯೇ ಆಡುವ ಮೊದಲು ಕೆಎಲ್ ರಾಹುಲ್ ಹೇಳಿದ್ದೇನು ಗೊತ್ತಾ?!

ಬೆಂಗಳೂರು: ಕನ್ನಡಿಗ ಕ್ರಿಕೆಟಿಗ ಕೆಎಲ್ ರಾಹುಲ್ ಕಳೆದ ವರ್ಷದವರೆಗೆ ಬೆಂಗಳೂರು ರಾಯಲ್ ಚಾಲೆಂಜರ್ಸ್ ತಂಡದ ಪರವಾಗಿಯೇ ಆಡುತ್ತಿದ್ದರು. ಆದರೆ ಇದೀಗ ಕಿಂಗ್ಸ್ ಇಲೆವೆನ್ ಪಂಜಾಬ್ ಪರ ಆಡುತ್ತಿದ್ದಾರೆ.

ಆದರೆ ಎಂದಾದರೂ ತವರಿಗೆ ಬರಲೇಬೇಕಲ್ಲವೇ? ಹಾಗೆಯೇ ಇಂದು ಬೆಂಗಳೂರಿನಲ್ಲಿ ನಡೆಯಲಿರುವ ಐಪಿಎಲ್ ಪಂದ್ಯದಲ್ಲಿ ತವರಿನ ತಂಡದ ವಿರುದ್ಧವೇ ಆಡುವ ಅನಿವಾರ್ಯತೆಗೆ ಸಿಲುಕಿದ್ದಾರೆ.

ಈ ಬಗ್ಗೆ ಸ್ವತಃ ರಾಹುಲ್ ಟ್ವಿಟರ್ ನಲ್ಲಿ ತಮ್ಮ ಉಭಯ ಸಂಕಟ ಹಂಚಿಕೊಂಡಿದ್ದಾರೆ. ‘ನನ್ನ ಮೊದಲ ತವರಿಗೆ ಹೊಸ ತಂಡದೊಂದಿಗೆ ಬಂದಿದ್ದೇನೆ. ಪರಿಚಿತ ಮುಖಗಳು, ಪರಿಚಿತ ವೀಕ್ಷಕರು, ಪರಿಚಿತ ಚಪ್ಪಾಳೆ, ಆದರೆ ಹೊಸ ಬಣ್ಣದೊಂದಿಗೆ’ ಎಂದು ರಾಹುಲ್ ಪಂದ್ಯಕ್ಕೆ ಮೊದಲು ಟ್ವೀಟ್ ಮಾಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.