ಮುಂಬೈ: ಐಪಿಎಲ್ ಕ್ರಿಕೆಟ್ ಎಂದರೆ ಎಲ್ಲರಿಗೂ ಅದರ ಜತೆಗೆ ಬರುವ ಮನರಂಜನೆಯೊಂದೇ ನೆನಪಾಗುವುದು. ಇದನ್ನು ಗಂಭೀರವಾಗಿ ಪರಿಗಣಿಸಿದವರಿಲ್ಲ. ಆದರೆ ಇನ್ನು ಹಾಗಲ್ಲ.
ಐಪಿಎಲ್ ಮಾಧ್ಯಮ ಹಕ್ಕು ಪಡೆದಿರುವ ಸ್ಟಾರ್ ಇಂಡಿಯಾ ಸಂಸ್ಥೆ ಇನ್ನು ಮುಂದೆ ಐಪಿಎಲ್ ಕ್ರಿಕೆಟ್ ನ್ನೂ ಒಂದು ಗಂಭೀರ ಕ್ರೀಡೆಯಾಗಿ ಪರಿವರ್ತಿಸುವ ನಿರ್ಧಾರ ಮಾಡಿದೆ.
ಮುಂದಿನ ಭಾಗದಿಂದ ತಮ್ಮ ಗಮನ ಕೇವಲ ಕ್ರಿಕೆಟ್ ಕಡೆಗಿರುತ್ತದೆ. ಹೊರತಾಗಿ ಅದರ ಜತೆಗೆ ಬರುವ ಮನರಂಜನೆ, ವಿವಾದಗಳ ಬಗ್ಗೆ ನಾವು ಹೆಚ್ಚು ಪ್ರಚಾರ ಕೊಡುವುದಿಲ್ಲ ಎಂದು ಸ್ಟಾರ್ ಇಂಡಿಯಾ ಮುಖ್ಯಸ್ಥ ಉದಯ್ ಶಂಕರ್ ಸ್ಪಷ್ಟಪಡಿಸಿದ್ದಾರೆ. ಹಾಗಾಗಿ ಈ ವರ್ಷದ ಐಪಿಎಲ್ ನಲ್ಲಿ ಕ್ರಿಕೆಟ್ ಜತೆಗೆ ಚಿಯರ್ ಲೀಡರ್ಸ್, ಗ್ಲಾಮರ್ ನೋಡಬಹುದೆಂದು ಕಾಯುತ್ತಿದ್ದವರಿಗೆ ನಿರಾಶೆಯಾಗಲಿದೆ.