ಶಾರ್ಜಾ: ಕಿಂಗ್ಸ್ ಇಲೆವೆನ್ ಪಂಜಾಬ್ ಹಾರ್ಡ್ ಹಿಟ್ಟರ್ ಮ್ಯಾಕ್ಸ್‌ವೆಲ್ ನೆರವಿನಿಂದ ತನ್ನ ಎಲ್ಲಾ ಮೂರು ಪಂದ್ಯಗಳನ್ನು ಗೆದ್ದುಕೊಂಡಿದೆ. ಮಂಗಳವಾರ ಮ್ಯಾಕ್ಸ್‌ವೆಲ್ ಅವರ 43 ಎಸೆತಗಳಲ್ಲಿ 95 ರನ್ ನೆರವಿನಿಂದ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ 72 ರನ್ ಭರ್ಜರಿ ಜಯಗಳಿಸಿದೆ.
ಮ್ಯಾಕ್ಸ್‌ವೆಲ್ ಅವರ ಅಬ್ಬರದ ಬ್ಯಾಟಿಂಗ್ ಕಿಂಗ್ಸ್ ಇಲೆವೆನ್ ಸ್ಕೋರಿಂಗ್ ರೇಟ್ ಚೇತರಿಸಿಕೊಂಡಿದೆ. ವೀರೇಂದ್ರ ಸೆಹ್ವಾಗ್ 22 ಎಸೆತಗಳಲ್ಲಿ 30 ರನ್‌‍ಗೆ ಔಟಾದ ಬಳಿಕ ಮ್ಯಾಕ್ಸ್‌ವೆಲ್ ಅವರ ಬ್ಯಾಟಿಂಗ್ ವೈಖರಿಯ ಬಗ್ಗೆ ಬೈಲಿ ಮೆಚ್ಚುಗೆಯ ಮಾತನಾಡಿದ್ದಾರೆ.ಉಳಿದವರಿಗೆ ಸ್ಕೋರ್ ಮಾಡಲು ಕಠಿಣವಾಗಿರುವ ಪಿಚ್‌ನಲ್ಲಿ ಮ್ಯಾಕ್ಸ್‌ವೆಲ್ ಸರಾಗವಾಗಿ ಸ್ಕೋರ್ ಮಾಡಿ ಉತ್ತಮ ಮೊತ್ತ ತಲುಪಲು ನೆರವಾಗಿದ್ದಾರೆ ಎಂದು ಬೈಲಿ ಹೇಳಿದ್ದಾರೆ.
ಕಿಂಗ್ಸ್ ಇಲೆವೆನ್ ಪಂಜಾಬ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು, ಪಂದ್ಯಾವಳಿಯಲ್ಲಿ ಅವರನ್ನು ಎದುರಿಸಲು ಸಾಧ್ಯವಾಗದ ತಂಡವಾಗಿ ಮಾರ್ಪಟ್ಟಿದೆ.ಮ್ಯಾಕ್ಸ್‌ವೆಲ್ ಅವರು 11 ರನ್ ಸ್ಕೋರ್ ಮಾಡಿದ್ದಾಗ ಕ್ಯಾಚ್ ಕೈಬಿಡಲಾಗಿತ್ತು. ಕ್ಯಾಚ್ ಹಿಡಿಯುವುದು ಎಷ್ಟು ಉಪಯುಕ್ತ ಎನ್ನುವುದನ್ನು ಪಂದ್ಯ ತೋರಿಸಿದೆ ಎಂದು ಬೈಲಿ ಹೇಳಿದ್ದಾರೆ.
