ಬೆಂಗಳೂರು: ವಿರಾಟ್ ಕೊಹ್ಲಿ ಎಂತಹಾ ಕೋಪಿಷ್ಠ ಎನ್ನುವುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ವಿರಾಟ್ ಸಿಟ್ಟಿನ ವಿರಾಟ ದರ್ಶನ ನಿನ್ನೆಯ ಪಂದ್ಯದ್ಲಲ್ಲಾಯಿತು.
ಸಾಮಾನ್ಯವಾಗಿ ಕೊಹ್ಲಿ ತಮ್ಮ ಅಸಮಧಾನವನ್ನು ಮೈದಾನದಲ್ಲಿಯೇ ಸಹ ಆಟಗಾರರ ಮೇಲೆ, ಎದುರಾಳಿಗಳ ವಿರುದ್ಧ ಹೊರ ಹಾಕಲು ಹಿಂದೆ ಮುಂದೆ ನೋಡುವುದಿಲ್ಲ. ಹಾಗಾಗಿ ಎದುರಾಳಿಗಳು ಕೊಹ್ಲಿಯನ್ನು ಕೆಣಕಿ ಅವರ ಏಕಾಗ್ರತೆಗೆ ಭಂಗ ತರುವ ಯತ್ನ ನಡೆಸುತ್ತಾರೆ.
ಆದರೆ ನಿನ್ನೆ ನಡೆದ ಪಂದ್ಯದಲ್ಲಿ ಕೊಹ್ಲಿ ಸಿಟ್ಟು ಸಿಕ್ಸರ್ ರೂಪಕ್ಕೆ ತಿರುಗಿತು. ಅದು ನಡೆದಿದ್ದು ಎರಡನೇ ಓವರ್ ನಲ್ಲಿ. ಬಾಸಿಲ್ ತಂಪಿ ಅವರು ಬಾಲ್ ಮಾಡುತ್ತಿದ್ದರು. ಮೊದಲ ಬಾಲ್ ಡಾಟ್ ಬಾಲ್ ಆಗಿತ್ತು. ಎರಡನೇ ಬಾಲ್ ಕೊಹ್ಲಿ ಅಂದುಕೊಂಡಂತೆ ಬರಲಿಲ್ಲ. ಕೊಂಚ ವೈಡ್ ಆಗಿ ಲೆಗ್ ಸೈಡ್ ಕಡೆಯಿಂದ ಹಾರಿ ಸ್ಲಿಪ್ ನಲ್ಲಿದ್ದ ಫೀಲ್ಡರ್ ಕೈ ಸೇರಿತು.
ತಕ್ಷಣ ಎದುರಾಳಿಗಳು ಕ್ಯಾಚ್ ಗೆ ಮನವಿ ಸಲ್ಲಿಸಿದರು. ಆದರೆ ಕೊಹ್ಲಿಗೆ ಈ ಡ್ರಾಮಾ ನೋಡಿ ಸಿಟ್ಟು ಬಂತು. ಕುದಿಯುತ್ತಿದ್ದ ಕೊಹ್ಲಿ ಮುಂದಿನ ಬಾಲ್ ನ್ನು ಸಿಕ್ಸರ್ ಗೆ ಅಟ್ಟಿದರು. ಅದೊಂದು ವಿಶೇಷ ಹೊಡೆತವಾಗಿತ್ತು. ಸ್ಕ್ವೇರ್ ಲೆಗ್ ಕಡೆಗೆ ಬಾಲ್ ಫ್ಲಿಕ್ ಮಾಡಿ ಫ್ಲ್ಯಾಟ್ ಸಿಕ್ಸ್ ಹೊಡೆದರು.
ಅದೊಂದು ನಿಜಕ್ಕೂ ಮನಮೋಹಕ ಹೊಡೆತವಾಗಿತ್ತು. ಪ್ರೇಕ್ಷಕರ ಜತೆಗೆ ಎದುರಾಳಿ ಆಟಗಾರರು ಬಾಯಿ ತೆರೆದು ನೋಡುತ್ತಿದ್ದರು. ಹಾಗಿದ್ದರೂ ನಾಲ್ಕನೇ ಓವರ್ ನಲ್ಲಿ ತಂಪಿ ವಿರಾಟ್ ವಿಕೆಟ್ ಕಿತ್ತರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ