ಮುಂಬೈ: ನಿನ್ನೆ ನಡೆದ ಐಪಿಎಲ್ ಕ್ವಾಲಿಫೈಯರ್ ಪಂದ್ಯದಲ್ಲಿ ಧೋನಿ ಯರ್ರಾಬಿರ್ರಿ ಬ್ಯಾಟಿಂಗ್ ನಿಂದಾಗಿ ರೋಹಿತ್ ಶರ್ಮಾ ಎದುರಾಳಿ ತಂಡದ ಡಗ್ ಔಟ್ ನಲ್ಲಿ ಹೋಗಿ ಬಿದ್ದ ಘಟನೆ ನಡೆದಿದೆ.
ಧೋನಿ ಲಾಂಗ್ ಶಾಟ್ ಗಳಿಗೆ ಹೆಸರುವಾಸಿ. ಅವರ ಸಿಕ್ಸರ್ ಗಳನ್ನು ಕ್ಯಾಚ್ ಮಾಡಲು ಪ್ರಯತ್ನಿಸುವುದು ಸುಲಭವಲ್ಲ. ಆದರೆ ಮುಂಬೈ ನಾಯಕ ಹಾಗೆ ಮಾಡಲು ಹೋಗಿ ನಿರಾಸೆ ಅನುಭವಿಸಿದರು.
ಆಕಾಶದೆತ್ತರಕ್ಕೆ ಚಿಮ್ಮಿ ಬಂದ ಬಾಲ್ ನ್ನು ನೋಡುತ್ತಾ ಹಿಂದಕ್ಕೆ ಓಡಿ ಬಂದ ರೋಹಿತ್ ಶರ್ಮಾ ಬೌಂಡರಿ ಗೆರೆಯ ಬಳಿ ಹಾರಿ ಬಾಲ್ ಹಿಡಿಯಲು ಯತ್ನಿಸಿದರು. ಆದರೆ ಬಾಲ್ ಕೈಗೆ ಸಿಗಲಿಲ್ಲ. ರೋಹಿತ್ ಬೌಂಡರಿ ಗೆರೆ ದಾಟಿ ಬಿದ್ದರು.
ಬಿದ್ದಿದ್ದು ನೇರವಾಗಿ ಪುಣೆ ತಂಡದ ಆಟಗಾರರು ಇಡುವ ಕ್ರಿಕೆಟ್ ಪರಿಕರಗಳ ಮೇಲೆ. ನಗು ನಗುತ್ತಲೇ ಹತ್ತಿರ ಬಂದ ಪುಣೆ ಆಟಗಾರರು ರೋಹಿತ್ ಕೈ ಹಿಡಿದು ಮೇಲೆತ್ತಿದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ