ಆರ್`ಸಿಬಿಗೆ ಇವತ್ತು ಡು ಆರ್ ಡೈ ಮ್ಯಾಚ್: ಸೋತರೆ ಪ್ಲೇಆಫ್ಸ್ ಕನಸು ಬಹುತೇಕ ಅಂತ್ಯ

ರಾಜ್ ಕೋಟ್`ನಲ್ಲಿಂದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಗುಜರಾತ್ ಲಯನ್ಸ್ ನಡುವಣ ಐಪಿಎಲ್ ಹೈವೋಲ್ಟೇಜ್ ಪಂದ್ಯ ನಡೆಯಲಿದೆ. ಒಂದು ಪಂದ್ಯ ಗೆದ್ದು 4ರಲ್ಲಿ ಸೋಲುಂಡಿರುವ ಆರ್ಸಿಬಿಗೆ ಪ್ಲೇ ಆಫ್ಸ್ ದೃಷ್ಟಿಯಿಂದ ಗೆಲ್ಲಲೇಬೇಕಿದೆ. ಇಲ್ಲೂ ಸೋತಲ್ಲಿ ಆರ್ಸಿಬಿ ಹೋರಾಟ ಬಹುತೇಕ ಅಂತ್ಯವಾಗಲಿದೆ.

ಎರಡೂ ತಂಡಗಳೂ ಅಂಕಪಟ್ಟಿಯಲ್ಲಿ 7 ಮತ್ತು 8ನೇ ಸ್ಥಾನದಲ್ಲಿವೆ. ಗುಜರಾತ್ ಪರಿಸ್ಥಿತಿ ವಿಭಿನ್ನವಾಗಿ ಏನೂ ಇಲ್ಲ. 4ರಲ್ಲಿ 3 ಪಂದ್ಯದಲ್ಲಿ ಗುಜರಾತ್ ಮುಗ್ಗರಿಸಿದೆ. ಹೀಗಾಗಿ, ರೈನಾ ಪಡೆ ಸಹ ಒತ್ತಡದಲ್ಲಿದೆ. ಕಳೆದ ಪಂದ್ಯದಲ್ಲಿ ಮುಂಬೈ ವಿರುದ್ಧ 6 ವಿಕೆಟ್`ಗಳ ಹೀನಾಯ ಸೋಲನುಭವಿಸಿದ್ದು, ಗೆಲುವಿನ ಲಯಕ್ಕೆ ಮರಳಲು ಯತ್ನಿಸುತ್ತಿದೆ.

ಘಟಾನುಘಟಿಗಳಿದ್ದರೂ ಗೆಲುವು ದಕ್ಕುತ್ತಿಲ್ಲ: ಇತ್ತ ಬೆಂಗಳೂರು ತಂಡದಲ್ಲಿ ವಿರಾಟ್, ಡಿವಿಲಿಯರ್ಸ್, ಶೇನ್ ವ್ಯಾಟ್ಸನ್, ಕ್ರಿಸ್ ಗೇಲ್`ರಂತಹ ವಿಶ್ವಶ್ರೇಷ್ಠ ಆಟಗಾರರಿದ್ದರೂ ಗೆಲ್ಲಲೂ ಸಾಧ್ಯವಾಗುತ್ತಿಲ್ಲ. ಕಳೆದ ಪಂದ್ಯದಲ್ಲಿ ಪುಣೆ ವಿರುದ್ಧ ಕೇವಲ 160 ರನ್ ಚೇಸ್ ಮಾಡಲಾಗದೇ ಕೊಹ್ಲಿ ಪಡೆ ಹೀನಾಯ ಸೋಲನುಭವಿಸಿದೆ. ಫೀಲ್ಡಿಂಗ್-ಬ್ಯಾಟಿಂಗ್ ಯಾವುದನ್ನ ಸೆಲೆಕ್ಟ್ ಮಾಡಿದರೂ ಜಯದ ಹಳಿಗೆ ಮರಳಲು ಸಾಧ್ಯವಾಗುತ್ತಿಲ್ಲ.