ಐಪಿಎಲ್: ಗುಜರಾತ್ ಹುಲಿಗಳ ವಿರುದ್ಧ ಗೇಯ್ಲ್, ಕೊಹ್ಲಿ ಬ್ರಹ್ಮಾಸ್ತ್ರ

ರಾಜ್ ಕೋಟ್: ಗುಜರಾತ್ ಲಯನ್ಸ್ ಹಾಗೂ ಬೆಂಗಳೂರು ರಾಯಲ್ ಚಾಲೆಂಜರ್ಸ್ ಎರಡೂ ತಂಡಗಳು ಸದ್ಯಕ್ಕೆ ಈ ಆವೃತ್ತಿಯ ಐಪಿಎಲ್ ನಲ್ಲಿ ಕುಂಟುತ್ತಾ ಸಾಗುತ್ತಿರುವ ತಂಡಗಳು. ಇದೀಗ ಬೆಂಗಳೂರು ತಂಡ ದುರ್ಬಲ ಗುಜರಾತ್ ವಿರುದ್ಧ ಪ್ರಯಾಸಕರ ಗೆಲುವು ದಾಖಲಿಸಲು ಯಶಸ್ವಿಯಾಗಿದೆ.

ನಿನ್ನೆ ನಡೆದ ಪಂದ್ಯದಲ್ಲಿ ಆರ್ ಸಿಬಿ ತಂಡ 21 ರನ್ ಗಳಿಂದ ಗೆಲುವು ದಾಖಲಿಸಿದೆ. ನಿನ್ನೆಯ ಪಂದ್ಯದಲ್ಲಿ ಕ್ರಿಸ್ ಗೇಲ್ ಮತ್ತು ವಿರಾಟ್ ಕೊಹ್ಲಿ ಸಿಡಿದೆದ್ದ ಪರಿಣಾಮ ಆರ್ ಸಿಬಿ ಮೊದಲು ಬ್ಯಾಟಿಂಗ್ ಮಾಡಿ 2 ವಿಕೆಟ್ ನಷ್ಟಕ್ಕೆ 213 ರನ್ ಗಳಿಸಲು ಯಶಸ್ವಿಯಾಯಿತು. ಗೇಲ್ 38 ಬಾಲ್ ಗಳಲ್ಲಿ77 ರನ್ ಹಾಗೂ ಕೊಹ್ಲಿ 50 ಎಸೆತಗಳಿಂದ 64 ರನ್ ಗಳಿಸಿದರು.

ನಂತರ ಬ್ಯಾಟಿಂಗ್ ಮಾಡಿದ ಗುಜರಾತ್ ಪರ ಬ್ರೆಂಡಮ್ ಮೆಕ್ಕಲಂ 44 ಬಾಲ್ ಗಳಲ್ಲಿ 72 ರನ್ ಗಳಿಸಿ ಗೆಲುವಿನ ಆಸೆ ಚಿಗುರಿಸಿದರು. ಆದರೆ ಆರ್ ಸಿಬಿ ಪರ ಘಾತಕ ದಾಳಿ ನಡೆಸದಿ ಯಜುವೇಂದ್ರ ಚಾಹಲ್ ಮೂರು ವಿಕೆಟ್ ಕಿತ್ತು ಗುಜರಾತ್ ಗೆಲುವು ಕಸಿದುಕೊಂಡರು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ