ಗೊತ್ತಿದ್ದೂ ಗೊತ್ತಿದ್ದೂ ಅಪಾಯವನ್ನ ಮೈಮೇಲೆ ಎಳೆದುಕೊಳ್ಳುವುದು ಎಂದರೆ ಇದೇ ಅನ್ಸತ್ತೆ. ಮೊಸಳೆ ಬಗ್ಗೆ ಗೊತ್ತಿದ್ದರೂ ವ್ಯಕ್ತಿಯೊಬ್ಬ ಅದರ ಬಾಯಿಗೆ ತಲೆ ಕೊಟ್ಟಿರುವ ಘಟನೆ ಥೈಲ್ಯಾಂಡ್`ನ ಪ್ರಾಣಿಸಂಗ್ರಹಾಲಯದಲ್ಲಿ ನಡೆದಿದೆ.
ಪ್ರವಾಸಿಗರ ಮುಂದೆ ಶೋ ತೋರಿಸಲು ಜೂ ಕೀಪರ್ ಮೊದಲಿಗೆ ಮೊಸಳೆ ತೆರೆದ ಬಾಯಿಗೆ ಕಡ್ಡಿಗಳನ್ನ ಇಡುತ್ತಾನೆ. ಈ ಸಂದರ್ಭ ಮೊಸಳೆ ಸುಮ್ಮನಿರುತ್ತದೆ. ಬಳಿಕ ಮತ್ತಷ್ಟು ಸ್ಕೋಪ್ ಪಡೆಯಲು ಮುಂದಾದ ಆತ ತನ್ನ ತಲೆಯನ್ನೇ ಮೊಸಳೆ ಬಾಯಿಗೆ ಇಡುತ್ತಾನೆ.
ಒಂದೆರಡು ಸೆಕೆಂಡ್ ಸುಮ್ಮನಿದ್ದ ಮೊಸಳೆ ಬಳಿಕ ತಲೆ ಕಚ್ಚಿಕೊಳ್ಳುತ್ತದೆ. ಒದ್ದಾಡಿ ಹೇಗೋ ಮಾಡಿ ಬಿಡಿಸಿಕೊಳ್ಳುತ್ತಾನೆ. ಮೊಸಳೆ ಕೊಳಕ್ಕೆ ಹೊರಟು ಹೋಗುತ್ತೆ. ನೋವಿನಿಂದ ಜೂ ಕೀಪರ್ ಒದ್ದಾಡುತ್ತಾನೆ.
ಪ್ರವಾಸಿಗರೊಬ್ಬರು ಈ ದೃಶ್ಯವನ್ನ ವಿಡಿಯೋ ಮಾಡಿ ಯೂಟ್ಯೂಬ್`ಗೆ ಹಾಕಿದ್ದಾರೆ. ವಿಡಿಯೋ ವೈರಲ್ ಆಗಿದೆ.