ಆಮೆ ಮತ್ತು ಮೊಲದ ನಡುವೆ ಓಟದ ಸ್ಪರ್ಧೆ ಕಥೆಯನ್ನು ಕೇಳದೇ ಬೆಳೆದ ಮಗು ಇರಲಿಕ್ಕಿಲ್ಲ. ಅದರಲ್ಲಿ ಅಹಂಕಾರಿ ಮೊಲದ ಸೋಲಾಗುತ್ತದೆ. ಆಮೆ ಪಂದ್ಯವನ್ನು ಗೆಲ್ಲುತ್ತದೆ. ಈ ಕಥೆ ನಮ್ಮ ದೇಶದಲ್ಲಷ್ಟೇ ಅಲ್ಲ. ವಿದೇಶಗಳಲ್ಲಿ ಸಹ ಅಷ್ಟೇ ಜನಜನಿತವಾಗಿದೆ.
ಥೈಲ್ಯಾಂಡ್‌ನಲ್ಲಿ ಕೂಡ ಮೋಜಿಗಾಗಿ ಈ ಕಥೆಯನ್ನು ವಾಸ್ತವಕ್ಕಿಳಿಸಿದ್ದಾರೆ. ಮೊಲ ಮತ್ತು ಆಮೆಯನ್ನು ರೇಸ್‌ಗೆ ಇಳಿಸಿದ್ದಾರೆ. ಮೊದಲು ಕುಪ್ಪಳಿಸಿ ಓಡಿದ ಮೊಲ ಯಾಕೋ ಅರ್ಧಕ್ಕೆ ನಿಂತುಕೊಂಡಿದೆ. ನಿಧಾನವಾಗಿ ಸಾಗಿದ ಆಮೆ ಗೆಲುವಿನ ಗೆರೆಯತ್ತ ಸಾಗಿದೆ. ಮೊಲದ ಮಾಲಕಿ ವಿಜಯದ ಗೆರೆ ಮುಂದೆ ಬಂದು ಮುಂದೆ ಬರವಂತೆ ಸಂಜ್ಞೆ ಮಾಡಿದೆ. ಆದರೂ ಮೊಲ ಮುಂದೆ ಬರುವ ಯತ್ನವನ್ನೇ ಮಾಡಲಿಲ್ಲ.
ಶತಮಾನಗಳ ಹಿಂದಿನ ಕಥೆಯಂತೆ ಇಲ್ಲು ಕೂಡ ಆಮೆಯೇ ಗೆಲುವನ್ನು ಪಡೆದಿದೆ.