ಈ ಸ್ಕಾರ್ಫ್ ತೊಟ್ಟರೆ ನೀವು ಅದೃಶ್ಯ

ಮನುಷ್ಯ, ಭೂತ, ದೇವತೆಗಳು ಅದೃಶ್ಯ ರೂಪದಲ್ಲಿ ಬರುವುದನ್ನು ಕಥೆಗಳಲ್ಲಿ ಓದಿರುತ್ತೇವೆ. ಸಿನಿಮಾಗಳಲ್ಲಿ ನೋಡಿರುತ್ತೇವೆ. ನಮಗೂ ಅದೃಶ್ಯವಾಗುವ ವಿಶೇಷ ಶಕ್ತಿ ಇದ್ದರೆ ಎಷ್ಟು ಚೆನ್ನಾಗಿರುತ್ತದೆ ಎಂದು ನಿಮಗೆ ಒಮ್ಮೆಯೂ ಅನ್ನಿಸಿಲ್ಲವೇ? ಬಿಡಿ ಇವೆಲ್ಲ ಸಾಧ್ಯವಾಗುವ ಮಾತಲ್ಲ ಎನ್ನುತ್ತೀರಾ. ಇಲ್ಲ ಈಗ ಅದು ಸಾಧ್ಯ. ಅದು ಹೇಗೆ ಎಂದು ತಿಳಿಯಲು ಮುಂದೆ ಓದಿ.

ಮಾರುಕಟ್ಟೆಗೆ ಒಂದು ಸ್ಕಾರ್ಫ್ ಬಂದಿದೆ. ಅದನ್ನ ತೊಟ್ಟುಕೊಂಡಾಗ ಯಾರಾದರೂ ನಿಮ್ಮ ಫೋಟೋವನ್ನು ಕ್ಲಿಕ್ಕಿಸಿದರೆ , ಅದು ವ್ಯರ್ಥ. ಫೋಟೋದಲ್ಲಿ ನಿಮ್ಮ ಮುಖ ಕಾಣಿಸುವುದಿಲ್ಲ.

ಸೆಲೆಬ್ರಿಟಿಗಳ ಖಾಸಗಿತನವನ್ನು ಗಮನದಲ್ಲಿಟ್ಟುಕೊಂಡು ಹಾಲೆಂಡ್‌ನ ಫ್ಯಾಷನ್ ಡಿಸೈನರ್ ಸೈಫ್ ಸಿದ್ಧಿಕಿ ಈ ವಿನೂತನ ಸ್ಕಾರ್ಫ್‌ನ್ನು ಕಂಡು ಹಿಡಿದಿದ್ದಾರೆ. ಮತ್ತೀಗ ಇದನ್ನು ಧರಿಸಿಕೊಂಡು ಓಡಾಡುವ ಪ್ರತಿಷ್ಠಿತರು ಫೋಟೋಗ್ರಾಫರ್‌ಗಳ ಕಣ್ಣಿಗೆ ಬಲಿಯಾಗುವುದನ್ನು ತಪ್ಪಿಸಿಕೊಳ್ಳುವುದಂತೂ ಖಚಿತ .

ಈ ವಿಶೇಷ ಬಟ್ಟೆ ತುಂಡನ್ನು ಆ್ಯಂಟಿ ಫ್ಲಾಷ್ ಸ್ಕಾರ್ಫ್ ಎಂದು ಕರೆಯುತ್ತಾರೆ. ಜನರ ಖಾಸಗಿತನವನ್ನು ರಕ್ಷಿಸಲು ಇದನ್ನು ತಯಾರಿಸಿದ್ದೇವೆ ಎನ್ನುತ್ತಾರೆ ಸಿದ್ಧಿಕಿ.

ಮುಖವನ್ನು ಮರೆಮಾಚುವ ಈ ಸ್ಕಾರ್ಫ್ ಈಗ ಸೆಲೆಬ್ರಿಟಿ ವಲಯದಲ್ಲಿ ಚರ್ಚೆಗೆ ಕಾರಣವಾಗಿದೆ. ಇದನ್ನು ಖರೀದಿಸಲು ಸಿನಿಮಾ ತಾರೆಯರು ಮುಗಿಬೀಳುತ್ತಿದ್ದಾರೆ. ಹಾಲಿವುಡ್‌ನ ಅನೇಕರು, ವಿಶ್ವ ಪ್ರಸಿದ್ಧ ಆಟಗಾರರು ಸಹ  ಈಗಾಗಲೇ ಅದನ್ನು ಬಳಸುತ್ತಿದ್ದಾರೆ. ಕೆಮರೂನ್ ಡಿಯಾಸ್ , ಜೆರೋಮ್ ಬಾಓಟೆಂಗ್‌ನಂತಹ ಫೂಟ್ಬಾಲ್ ಆಟಗಾರರು ಸಹ ಇದರಲ್ಲಿ ಸೇರಿದ್ದಾರೆ,