ಅಧಿಕಾರ ದುರುಪಯೋಗದ ಆರೋಪದಲ್ಲಿ ತಪ್ಪಿತಸ್ಥರೆಂದು ಕಂಡುಬಂದ ಥಾಯ್ಲೆಂಡ್ ಪ್ರಧಾನಮಂತ್ರಿ ಮತ್ತು ಅವರ ಆಂಶಿಕ ಸಚಿವ ಸಂಪುಟಕ್ಕೆ ರಾಜೀನಾಮೆ ನೀಡುವಂತೆ ಸಾಂವಿಧಾನಿಕ ಕೋರ್ಟ್ ಸೂಚಿಸಿದ್ದರಿಂದ ರಾಷ್ಟ್ರವನ್ನು ತೀವ್ರ ರಾಜಕೀಯ ಬಿಕ್ಕಟ್ಟಿಗೆ ಸಿಕ್ಕಿಸಿದೆ.ಹಿರಿಯ ಸರ್ಕಾರಿ ನೌಕರರೊಬ್ಬರನ್ನು 2011ರಲ್ಲಿ ವರ್ಗಾವಣೆ ಮಾಡುವ ಮೂಲಕ ಅಧಿಕಾರ ದುರುಪಯೋಗ ಮಾಡಿದ್ದಾರೆಂದು ಪ್ರಧಾನಮಂತ್ರಿ ಯಿಂಗ್ಲುಕ್ ಶಿನಾವಾತ್ರಾ ವಿರುದ್ಧ ಆರೋಪಿಸಲಾಗಿದೆ.
ಶಿನಾವಾತ್ರಾ ಅವರ ರಾಜಕೀಯ ಪ್ರಬಲ ಕುಟುಂಬಕ್ಕೆ ಅನುಕೂಲ ಮಾಡುವುದಕ್ಕೆ ವರ್ಗಾವಣೆ ಮಾಡಿರುವುದರಿಂದ ಸಂವಿಧಾನದ ಉಲ್ಲಂಘನೆಯಾಗಿದೆ ಎಂದು ಆರೋಪಿಸಲಾಗಿದ್ದು, ಈ ಆರೋಪವನ್ನು ಅವರು ಉಲ್ಲಂಘಿಸಿದ್ದಾರೆ.ನೈತಿಕ ತತ್ವಕ್ಕೆ ಅನುಗುಣವಾಗಿ ಸರ್ಕಾರಿ ಅಧಿಕಾರಿಗಳನ್ನು ವರ್ಗಾವಣೆ ಮಾಡಬೇಕು ಎಂದು ನೇರ ಟೆಲಿವಿಷನ್ ಪ್ರಸಾರದಲ್ಲಿ 90 ನಿಮಿಷಗಳ ಕಾಲ ನೀಡಿದ ತೀರ್ಪಿನಲ್ಲಿ ಕೋರ್ಟ್ ತಿಳಿಸಿದೆ.
ಕೋರ್ಟ್ ತೀರ್ಪು ನೀಡಿರುವುದರಿಂದ ಯಾರು ಉಸ್ತುವಾರಿ ಪ್ರಧಾನಿಯಾಗುತ್ತಾರೆ ಎನ್ನುವುದು ತಕ್ಷಣಕ್ಕೆ ಗೊತ್ತಾಗಿಲ್ಲ. ರಾಷ್ಟ್ರೀಯ ಭದ್ರತಾ ಮಂಡಳಿ ಮುಖ್ಯಸ್ಥ ತಾವಿಲ್ ಪ್ಲೈನ್ಸ್ರಿ ವರ್ಗಾವಣೆಯಲ್ಲಿ ಷಾಮೀಲಾದ 9 ಸಚಿವರಿಗೆ ಕೂಡ ರಾಜೀನಾಮೆ ನೀಡುವಂತೆ ಕೋರ್ಟ್ ಸೂಚಿಸಿದೆ