6 ವರ್ಷದ ಬಾಲಕಿ ಮೇಲೆ 100 ಬಾರಿ ರೇಪ್: ಕಾಮುಕನಿಗೆ 120 ವರ್ಷ ಶಿಕ್ಷೆ

6 ವರ್ಷದ ಹಸುಳೆಯ ಮೇಲೆ 100 ಬಾರಿ ರೇಪ್ ಎಸಗಿದ ಕಾಮುಕನಿಗೆ ನ್ಯಾಯಾಲಯ 120 ವರ್ಷ ಕಠಿಣ ಶಿಕ್ಷೆ ವಿಧಿಸಿ ತೀರ್ಪು ನೀಡಿದೆ.

29 ವರ್ಷ ವಯಸ್ಸಿನ ಆರೋಪಿ ಸ್ಟಿವನ್ ಡೌಗ್ಲಸ್ ಕ್ರೂಕ್ ಹಸುಳೆಯ ಮೇಲೆ 100 ಬಾರಿ ರೇಪ್ ಎಸಗಿದ್ದಲ್ಲದೇ ತನ್ನ ಕುಕೃತ್ಯದ ವಿಡಿಯೋವನ್ನು ಸಾಮಾಜಿಕ ಜಾಲ ತಾಣದಲ್ಲಿ ಹರಿಬಿಟ್ಟು ಘೋರ ಅಪರಾಧ ಎಸಗಿದ್ದಾನೆ. ಇತರರು ಕೂಡಾ ವಿಡಿಯೋ ನೋಡುವಂತೆ ಪ್ರಚೋದಿಸಿದ್ದಾನೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಆರೋಪಿಯ ಕುಕೃತ್ಯದ ವಿಡಿಯೋ ಬಹಿರಂಗವಾಗುತ್ತಿದ್ದಂತೆ ನ್ಯಾಷನಲ್ ಸೆಂಟರ್ ಫಾರ್ ಮಿಸ್ಸಿಂಗ್ ಆಂಡ್ ಎಕ್ಸಪ್ಲೋಯಿಟೆಡ್ ಸಂಸ್ಥೆ ಆರೋಪಿ ವಿರುದ್ಧ ಪೊಲೀಸರಿಗೆ ದೂರು ನೀಡಿದ ಹಿನ್ನೆಲೆಯಲ್ಲಿ ಬಂಧಿಸಲಾಗಿದೆ.

ಮಗುವನ್ನು ರಕ್ಷಿಸಲಾಗಿದ್ದು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆತನ ಮನೆಯನ್ನು ಶೋಧಿಸಿದಾಗ ಚೈಲ್ಡ್ ಪೋರ್ನ್ ಮತ್ತು ಬೇಬಿ ರೇಪ್ ಎನ್ನುವ ವಿಡಿಯೋಗಳು ಲಭ್ಯವಾಗಿವೆ.

ಆರೋಪಿಯೊಂದಿಗೆ ಲೈವ್ ಇನ್ ರಿಲೇಶನ್‌ಶಿಪ್‌ನಲ್ಲಿದ್ದ ಗೆಳತಿಗೆ ಎಲ್ಲಾ ಕುಕೃತ್ಯಗಳು ತಿಳಿದಿದ್ದರೂ ಪೊಲೀಸರಿಗೆ ಮಾಹಿತಿ ನೀಡದಿರುವ ಹಿನ್ನೆಲೆಯಲ್ಲಿ ಆಕೆಯನ್ನು ಕೂಡಾ ಬಂಧಿಸಿ ಜೈಲಿಗೆ ಕಳುಹಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.