ಭಾರತದ ಮೇಲೆ ಪರಮಾಣು ದ್ರೋಣ್‌ಗಳ ದಾಳಿಗೆ ಪಾಕ್ ಸಜ್ಜು: ಹಫೀಜ್ ಸಯೀದ್

ಪಾಕಿಸ್ತಾನದ ವಿರುದ್ಧ ಭಾರತ ಆಕ್ರಮಣಕಾರಿ ಪ್ರವೃತ್ತಿಯನ್ನು ತೋರಿದಲ್ಲಿ ಪರಮಾಣು ಹೊಂದಿರುವ ದ್ರೋಣ್‌ಗಳಿಂದ ದಾಳಿ ನಡೆಸಲಾಗುವುದು ಎಂದು ಮುಂಬೈ ದಾಳಿ ರೂವಾರಿ ಜಮಾತ್ ಉದ್ ದಾವಾ ಮುಖ್ಯಸ್ಥ ಹಫೀಜ್ ಸಯೀದ್ ಹೇಳಿದ್ದಾರೆ. 

ಒಂದು ವೇಳೆ ಭಾರತ, ಪಾಕಿಸ್ತಾನದ ಮೇಲೆ ದ್ರೋಣ ದಾಳಿಗಳನ್ನು ಮಾಡಿದಲ್ಲಿ ಸಂಪೂರ್ಣ ಭಾರತ ದೇಶವನ್ನೇ ನಾಶಪಡಿಸುವಂತಹ ದ್ರೋಣ್‌ಗಳಉ ನಮ್ಮ ಹತ್ತಿರ ಸಾಕಷ್ಟಿವೆ ಎಂದು ಎಚ್ಚರಿಕೆ ನೀಡಿದ್ದಾರೆ.

ಪಾಕಿಸ್ತಾನ ಗುಪ್ತಚರ ಸಂಸ್ಥೆ ಮತ್ತು ಪಾಕ್ ಸೇನೆಯ ಬೆಂಬಲ ಹೊಂದಿರುವ ಹಫೀಜ್, ಪ್ರಸಕ್ತ ವರ್ಷದ ಆರಂಭದಲ್ಲಿ ತಮ್ಮ ಗುಂಪಿಗೆ ಹೆಚ್ಚು ಹೆಚ್ಚು ಜನರನ್ನು ಸೇರ್ಪಡೆಗೊಳಿಸಿದ್ದು, ಭಾರತದ ವಿರುದ್ಧ ದಾಳಿಗೆ ಸಂಚು ರೂಪಿಸುತ್ತಿದ್ದಾನೆ. 

ಭಾರತ ತನ್ನ ಅಂತಾರಾಷ್ಟ್ರೀಯ ಗಡಿಗಳಲ್ಲಿ ಲೇಸರ್ ವಾಲ್ ನಿರ್ಮಿಸಲು ಮುಂದಾಗಿದ್ದರಿಂದ, ಹೆಚ್ಚು ಉಗ್ರರನ್ನು ಭಾರತದೊಳಗೆ ನುಸುಳಿಸಲು ಸಯೀದ್ ರಣತಂತ್ರ ರೂಪಿಸುತ್ತಿದ್ದಾನೆ ಎನ್ನಲಾಗಿದೆ.

ಭಾರತದ ಗಡಿಯ ಹತ್ತಿರುವ ಪಾಕಿಸ್ತಾನದ ಗ್ರಾಮಗಳಲ್ಲಿ ಎರಡು ದಿನಗಳ ಬೀಡಾರ ಹೂಡಿದ ಹಫೀಜ್, 10 ಗ್ರಾಮಗಳಿಗೆ ಭೇಟಿ ನೀಡಿ ಭಾರತ ವಿರುದ್ಧ ಪ್ರಚೋದನಾಕಾರಿ ಭಾಷಣ ನೀಡಿದ್ದಾನೆ ಎಂದು ಮೂಲಗಳು ತಿಳಿಸಿವೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.