ಉತ್ತರ ಕೊರಿಯಾ ಜಗತ್ತಿಗೆ ಘೋಷಿತ ಬೆದರಿಕೆ: ಅಮೆರಿಕ

ಪರಮಾಣು ಶಸ್ತ್ರಾಸ್ತ್ರ ಹೊಂದಿದ ಉತ್ತರ ಕೊರಿಯಾ ಜಗತ್ತಿಗೆ ಘೋಷಿತ ಬೆದರಿಕೆಯಾಗಿದೆ ಎಂದು ಅಮೆರಿಕ ಸ್ಟೇಟ್ ಕಾರ್ಯದರ್ಶಿ ಜಾನ್ ಕೆರಿ ಬೀಜಿಂಗ್‌ನಲ್ಲಿ ಇಂದು ತಿಳಿಸಿದ್ದಾರೆ. ಈ ತಿಂಗಳಾರಂಭದಲ್ಲಿ ಪಾಂಗ್‌ಯಾಂಗ್ ನಾಲ್ಕನೇ ಅಣ್ವಸ್ತ್ರ ಪರೀಕ್ಷೆ ಬಳಿಕ ಚೀನಾದ ವಿದೇಶಾಂಗ ಕಾರ್ಯದರ್ಶಿ ಜತೆ ಮಾತನಾಡುತ್ತಾ ಅವರು ಹೇಳಿದರು.

ನಮ್ಮ ದೇಶವನ್ನು , ನಮ್ಮ ಸ್ನೇಹಿತರನ್ನು ಮತ್ತು ಮಿತ್ರರಾಷ್ಟ್ರಗಳ ರಕ್ಷಣೆಗೆ ಅಮೆರಿಕ ಏನು ಅವಶ್ಯಕವೋ ಅದನ್ನು ಮಾಡುತ್ತದೆ ಎಂದು ಕೆರಿ ತಿಳಿಸಿದರು. 

ಜನವರಿ 6ರಂದು ಉತ್ತರ ಕೊರಿಯಾದ ಜಲಜನಕ ಬಾಂಬ್ ಪರೀಕ್ಷೆ  ನಡೆಸಿತ್ತು
.

ಪರೀಕ್ಷಾರ್ಥವಾಗಿ ನಡೆಸಿದ 'ಹೈಡ್ರೋಜನ್ ಬಾಂಬ್' ಸ್ಫೋಟ ಯಶಸ್ವಿಯಾಗಿದೆ ಎಂದು ಉತ್ತರ ಕೊರಿಯಾ ಹೇಳಿಕೊಂಡಿತ್ತು. . ಉತ್ತರ ಕೊರಿಯಾ   ಹೈಡ್ರೋಜನ್ ಬಾಂಬ್ ಸಿಡಿಸಿದ್ದರ ಪರಿಣಾಮ ರಿಕ್ಟರ್ ಮಾಪಕದಲ್ಲಿ ಕಂಪನದ ತೀವ್ರತೆ 5.1ರಷ್ಟು ದಾಖಲಾಗಿರುವುದಾಗಿ ಅಮೆರಿಕ ಭೂವೈಜ್ಞಾನಿಕ ಸಮೀಕ್ಷಾ ಕೇಂದ್ರ ಮಾಹಿತಿ ನೀಡಿತ್ತು. ಇದರಿಂದ ಭೂಕಂಪ ಸಂಭವಿಸಿರಬಹುದೆಂದು ಭಾವಿಸಲಾಗಿತ್ತು.  ಕೆಲವೇ ಕ್ಷಣಗಳಲ್ಲಿ ಉತ್ತರ ಕೊರಿಯಾ ಈ ಕುರಿತು ಸ್ಪಷ್ಟನೆ ನೀಡಿ, ಬೆಳಗ್ಗೆ 10 ಗಂಟೆ ಸುಮಾರಿಗೆ ಹೈಡ್ರೋಜನ್ ಬಾಂಬ್ ಪರೀಕ್ಷೆ ಮಾಡಲಾಗಿದೆ ಎಂದು ಸ್ಪಷ್ಟನೆ ನೀಡಿತ್ತು.