ಲಿಬ್ಯಾದ ಸರ್ವಾಧಿಕಾರಿ ನಾಯಕ ಗಢಾಫಿಯ ಪುತ್ರ ಸೈಫ್ ಅಲ್ ಇಸ್ಲಾಂಗೆ ಲಿಬ್ಯಾದ ಕೋರ್ಟೊಂದು ಸೈಫ್ ಗೈರುಹಾಜರಿಯಲ್ಲಿ ಮರಣದಂಡನೆ ಶಿಕ್ಷೆಯನ್ನು ವಿಧಿಸಿದೆ. 2011ರಲ್ಲಿ ಗಡಾಫಿಯ ದುರಾಡಳಿತದ ವಿರುದ್ಧ ನಡೆದ ಶಾಂತಿಯುತ ಪ್ರದರ್ಶನವನ್ನು ಹತ್ತಿಕ್ಕಿದ ಕಾರಣಕ್ಕಾಗಿ ಕೋರ್ಟ್ ಈ ಶಿಕ್ಷೆ ವಿಧಿಸಿದೆ.
ಗಡಾಫಿಯ ಮಾಜಿ ಬೇಹುಗಾರಿಕೆ ಮುಖ್ಯಸ್ಥ ಅಬ್ದುಲ್ಲಾ ಅಲ್ ಸೆನುಸಿ ಮತ್ತು ಗಡಾಫಿಯ ಮಾಜಿ ಪ್ರಧಾನ ಮಂತ್ರಿ ಬಾಗ್ದಾದಿ ಅಲ್ ಮಹಮೌದಿಗೆ ಕೂಡ ಫೈರಿಂಗ್ ಸ್ಕ್ವಾಡ್‌ನಿಂದ ಮರಣದಂಡನೆ ಶಿಕ್ಷೆಯನ್ನು ಕೋರ್ಟ್ ತನ್ನ ನೇರಪ್ರಸಾರದ ಕಲಾಪದಲ್ಲಿ ವಿಧಿಸಿದೆ.
ಅಲ್ ಇಸ್ಲಾಂ ಗೈರುಹಾಜರಿಯಲ್ಲಿ ಈ ಶಿಕ್ಷೆಯನ್ನು ಪ್ರಕಟಿಸಲಾಗಿದ್ದು, ಅಲ್ ಇಸ್ಲಾಂನನ್ನು ಬಂಡುಕೋರ ಗುಂಪೊಂದು ಜಿಂಟಾನ್ ಪ್ರದೇಶದಲ್ಲಿ ಕೈವಶ ಮಾಡಿಕೊಂಡಿದೆ. ಈ ಗುಂಪು ವಿಶ್ವ ಶಕ್ತಿಗಳು ಮಾನ್ಯತೆ ನೀಡಿರದ ಟ್ರಿಪೋಲಿ ಸರ್ಕಾರಕ್ಕೆ ವಿರೋಧ ಸೂಚಿಸಿದೆ.
