ಈ ಹೋರಿಯ ಭಾರ ಕೇಳಿದ್ರೆ ನೀವು ಹುಬ್ಬೇರಿಸ್ತಿರಾ...!

ಬ್ರಿಟನ್: ಒಂದು ಹೋರಿ(ಎತ್ತು) ಅಬ್ಬಬ್ಬಾ.... ಎಂದರೆ ಎಷ್ಟು ಕಿ.ಲೋ ಇರಬಹುದು. 300, 5000, ಬೇಡ 1000. ಉಹೂಂ...! ಇಷ್ಟಿದ್ದರೇ ನಾವು ಹುಬ್ಬೇರಿಸುತ್ತೇವೆ. ಆದರೆ ಇಲ್ಲೊಂದು ಹೋರಿ ಬರೋಬ್ಬರಿ 1,750 ಕಿ.ಲೋಗಳಿಷ್ಟು ಎಲ್ಲರನ್ನು ಆಶ್ಚರ್ಯ ಚಕಿತಗೊಳಿಸುತ್ತಿದೆ.

ಹೌದು. ಈ ಹೋರಿ ಹೆಸರು ಬ್ರಿಟನ್ ನಲ್ಲಿದ್ದು, ಫೀಲ್ಡ್ ಮಾರ್ಷಲ್ ಎಂದು ಹೆಸರು ಪಡೆದಿದೆ. ಜಗತ್ತಿನಲ್ಲಿಯೇ ಇಷ್ಟೊಂದು ಭಾರವಾದ ಹೋರಿ ಇನ್ನೊಂದಿಲ್ಲ ಎನ್ನುವ ಹೆಗ್ಗಳಿಕೆ ಇದರದ್ದು. ಜತೆಗೆ, ಒಬ್ಬ ಸಾಮಾನ್ಯ ಮನುಷ್ಯನಿಗಿಂತಲೂ ಹೆಚ್ಚು, ಆರು ಅಡಿ ಏಳು ಇಂಚು ಎತ್ತರ ಹೊಂದಿದ್ದು ಮತ್ತೊಂದು ಗರಿಮೆ ಈ ಫೀಲ್ಡ್ ಮಾರ್ಷಲ್ ಮುಡಿಗೆ.

2005ರಲ್ಲಿ ಜನಿಸಿದ ಈ ಹೋರಿ ಹೋಲ್-ಸ್ಟೆನ್ ತಳಿಗೆ ಸೇರಿದ್ದಾಗಿದೆ. ಬ್ರಿಟನ್ ನ ಅರ್ಥರ ಡಕ್ಕೆಟ್ ಎಂಬ ವೃದ್ಧ ಸಣ್ಣ ಹಿಡುವಳಿ ರೈತ ಇದನ್ನು ಸಾಕಿದ್ದ. ಆತ ಎಂಬತನ ವಯಸ್ಸಿಗೆ ಕಾಲವಾದ ನಂತರ, ಈ ಹೋರಿಯ ಒಡೆತನ ಆತನ ದೂರದ ಸಂಬಂಧಿ ಗ್ಯಾರಿ ಬೌಡೆನ್ ಎಂಬವರಿಗೆ ಸೇರಿತು. ಅವರು ಡಲ್ ಹೋರ್ನ್ ಎಂಬಲ್ಲಿ ಕೃಷಿ ಫಾರ್ಂ ಮಾಡುತ್ತಿದ್ದು, ಫೀಲ್ಡ್ ಮಾರ್ಷಲ್ ಇಲ್ಲಿ ಬಂದುದ್ದರಿಂದ ಅದೊಂದು ಪ್ರವಾಸಿ ತಾಣವಾಗಿ ಮಾರ್ಪಟ್ಟಿದೆ.

ಈ ದೈತ್ಯ ಹೋರಿಯ ಆಹಾರ ಪ್ರಮಾಣವೂ ಸಣ್ಣದೇನಲ್ಲ. ದಿನಕ್ಕೆ ಹದಿನೇಳು ಕೆಜಿ ಪಶು ಆಹಾರ ಬೇಕೆ ಬೇಕು. ಬಳಿಕ ಓಟ್ಸ್, ಬಾರ್ಲಿಯಂಥ ಧಾನ್ಯಗಳು, ಆಲೂಗಡ್ಡೆ ಮತ್ತು ಹಸಿರು ಮೇವಿನ ಭರ್ಜರಿ ಭೋಜನ ನೀಡಬೇಕಾಗುತ್ತದೆ. ಈಗಾಗಲೇ ಈ ಫೀಲ್ಡ್ ಮಾರ್ಷಲ್ ಅನೇಕ ಜಾನುವಾರುಗಳ ಪ್ರದರ್ಶನದಲ್ಲಿ ಭಾಗವಹಿಸಿ ಸಾಕಷ್ಟು ಪ್ರಶಸ್ತಿ ಜತೆಗೆ ನಗದು ಬಹುಮಾನವನ್ನು ಪಡೆದುಕೊಂಡಿದ್ದಾನೆ ಎನ್ನುವುದು ವಿಶೇಷ.

ದಾಖಲೆ ಪ್ರಕಾರ ಈ ಹಿಂದೆ ಬ್ರಿಟನ್ ನಲ್ಲಿಯೇ ಒಂದು ಹೋರಿ, 1830 ಕೆಜಿಯಿತ್ತು. ಅದೇ ಜಗತ್ತಿನ ಅತಿ ಭಾರವಾದ ಹೋರಿಇಯ ಕೀರ್ತಿಗೆ ದಾಖಲಾಗಿತ್ತು. ಆ ದಾಖಲೆಯನು ಸಹ 11 ವರ್ಷದ ಈ ಫೀಲ್ಡ್ ಮಾರ್ಷಲ್ ಮುರಿಯುತ್ತಾನೆ ಎನ್ನಲಾಗುತ್ತಿದೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.