ಬಿಟ್ಟು ಹೋಗಬೇಡ ಎಂದು ದುಂಬಾಲು ಬಿದ್ದ ಕಾಂಗರೂ ಮರಿ(ವಿಡಿಯೋ)

ಪ್ರಾಣಿಗಳಿಗೆ ಭಾವನೆಗಳಿರಲ್ಲ ಅನ್ನುತ್ತಾರೆ. ಆದರೆ ಅದು ಸುಳ್ಳೆಂದು ಸಾಬೀತು ಪಡಿಸುವ ಅನೇಕ ದೃಷ್ಟಾಂತಗಳು ನಮಗೆದುರಾಗುತ್ತಲೇ ಇರುತ್ತವೆ. ಸಾಕು ಪ್ರಾಣಿಗಳ ಪ್ರಶ್ನೆ ಬಿಡಿ. ಅವು ತಮಗೆ ಅನ್ನ ಹಾಕಿದವರಿಗಾಗಿ ಜೀವವನ್ನು ಸಹ ಅರ್ಪಿಸುತ್ತವೆ. ಭಾವನಾತ್ಮಕ ಸಂಬಂಧವನ್ನು ಬೆಳೆಸಿಕೊಂಡಿರುತ್ತವೆ. ಆದರೆ ಕಾಡು ಪ್ರಾಣಿಗಳಿಗೆ ಮಾನವರೆಂದರೆ ಭಯ. ಅವುಗಳೊಂದಿಗೆ ಮಾನವನ ಮೈತ್ರಿ ಅಪರೂಪ. ಅಂತಹ ಅಪರೂಪದಲ್ಲೊಂದು ಈ ಘಟನೆ.

ಅನಾಥ ಕಾಂಗರೂ ಮರಿಯೊಂದು ತನ್ನ ಪ್ರಾಣ ರಕ್ಷಿಸಿದ ವ್ಯಕ್ತಿಯನ್ನ ಬಿಟ್ಟುಹೋಗಬೇಡ ಎಂದು ಓಡೋಡಿ ಬಂದು ಕೈ ಹಿಡಿದು ದುಂಬಾಲು ಬಿದ್ದ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ಓಡಾಡುತ್ತಿದೆ. ಆಸ್ಟ್ರೇಲಿಯಾದ ವನ್ಯಜೀವಿ ರಕ್ಷಕ ಬ್ರೋಲ್ಗಾ ಈ ವಿಡಿಯೋವನ್ನು  ಹಂಚಿಕೊಂಡಿದ್ದಾರೆ.

“ನಾನು ತಿರುಗಿ ಬರುತ್ತೇನೆ” ಬ್ರೋಲ್ಗಾ  ಮೂಕ ಪ್ರಾಣಿಗೆ ಅರ್ಥ ಮಾಡಿಸಲು ಪ್ರಯತ್ನಿಸುತ್ತಿದ್ದಾರೆ. ಆದರೂ ಪುಟ್ಟ ಮರಿ ಅವರನ್ನು ಹೋಗಗೊಡುತ್ತಿಲ್ಲ. ಒಮ್ಮೆ ಈ ಭಾವನಾತ್ಮಕ ವಿಡಿಯೋ ನೋಡಿ. 

  ಬಿಟ್ಟು ಹೋಗಬೇಡ ಎಂದು ಜೀವರಕ್ಷಕನ ಕಾಲು ಹಿಡಿದ ಕಾಂಗರೂ(ವಿಡಿಯೋ)