ಲಂಡನ್: ಶಾಲಾಮಕ್ಕಳು ಬಿಟ್ಟ ಈ ಟೆಡ್ದಿಬೇರ್ ಅಂತರಿಕ್ಷಕ್ಕೆ ಹೋಗಿ ತಲುಪಿದೆ ಗೊತ್ತಾ. ಅಚ್ಚರಿ ಅನಿಸಿದ್ರೂ ನಿಜಾ ಕಣ್ರಿ.. ಲಂಡನ್ ನ ಕೆಮ್ಟ್ ಬೋಲೆ ಹಿಲ್ಸ್ ಪ್ರದೇಶದ ಕಿಂಗ್ಸ್ ರೋಚೆಸ್ಟರ್ ಪ್ರಿಪೆರೆಟರಿ ಶಾಲೆ ವಿದ್ಯಾರ್ಥಿಗಳು ಇಂತದ್ದೊಂದು ವಿನೂತನ ಪ್ರಯೋಗ ಮಾಡಿದ್ದಾರೆ.
ಆಪರೇಷನ್ ಕಾಸ್ಮಿಕ್ ಡಸ್ಟ್ ಹೆಸರಿನ ಯೋಜನೆಗೆ ರೊಫ್ಪಾ ಎಂದು ಹೆಸರಿಟ್ಟು ಈ ಶಾಲಾ ವಿದ್ಯಾರ್ಥಿಗಳು ಹೀಲಿಯಂ ಬಲೂನ್ ಗೆ ಟೆಡ್ಡಿಬೇರ್ ಒಂದನ್ನು ಕಟ್ಟಿದ್ದರು. ಅದೀಗ 100,000 ಅಡಿ ಎತ್ತರಕ್ಕೆ ಹೋಗಿ ಅಂತರಿಕ್ಷ ಸೇರಿದೆ.
ಈ ವಿದ್ಯಾರ್ಥಿಗಳು ಹಾರಿಬಿಟ್ಟ ಬಲೂನ್ ಭೂ ಮೇಲ್ಮೈ ನ ಎರಡನೇ ಅತಿ ದೊಡ್ಡ ಪದರವಾದ ಸ್ಟ್ರಾಟೋಸ್ಪೇರ್ ಅಂದರೆ ಭೂಮಿಯಿಂದ 29 ಕಿ.ಮೀ ಎತ್ತರಕ್ಕೆ ತಲುಪಿ ಅಲ್ಲಿನ ಒತ್ತಡಕ್ಕೆ ಸ್ಫೋಟಗೊಂಡಿದೆ. ಇದಕ್ಕೆ ಕಟ್ಟಿಬಿಟ್ಟಿದ್ದ ಕ್ಯಾಮರಾ ಇದರ ವಿಡಿಯೋವನ್ನು ರೆಕಾರ್ಡ್ ಸಹ ಮಾಡಿದೆ.
ಈ ರೊಫ್ಪಾ ಬಲೂನ್ ನಾಲ್ಕು ಗಂಟೆಗಳ ಕಾಲ ಗಾಳಿಯಲ್ಲೇ ತೇಲಾಡುತ್ತಿತ್ತು. ಅದಕ್ಕೆ ಕಟ್ಟಿದ್ದ GoPro ಕ್ಯಾಮರಾ ಒಂದು ಗಂಟೆಗೂ ಮುಂಚೆ ರೆಕಾರ್ಡ್ ಮಾಡುವುದನ್ನು ನಿಲ್ಲಿಸಿತ್ತು ಎಂದು ಶಾಲೆ ತಿಳಿಸಿದೆ.8ರಿಂದ 13 ವರ್ಷದ ವಿದ್ಯಾರ್ಥಿಗಳಿಗೆ ಅಂತರಿಕ್ಷದ ಬಗ್ಗೆ ತಿಳಿಸುವುದು ಈ ಯೋಜನೆ ಉದ್ದೇಶವಾಗಿತ್ತು.