ಫಿಫ್ಟಿ ಷೇಡ್ಸ್ ಆಫ್ ಗ್ರೇ ಚಿತ್ರಕ್ಕೆ ಭಾರತದ ಸೆನ್ಸಾರ್ ಮಂಡಳಿ ನಿಷೇಧ

ಫಿಪ್ಟಿ  ಶೇಡ್ಸ್ ಆಫ್ ಗ್ರೇ ಅಶ್ಲೀಲ ಚಿತ್ರಕ್ಕೆ ಭಾರತ ನಿಷೇಧ ವಿಧಿಸಿದ್ದು, ಚಿತ್ರದ ಕೆಲವು ಸಂಭಾಷಣೆ ಬಗ್ಗೆ ಸೆನ್ಸಾರ್ ಮಂಡಳಿ ಆಕ್ಷೇಪಿಸಿ ಅದಕ್ಕೆ ನಿಷೇಧ ವಿಧಿಸಿರುವುದಾಗಿ ಕೆಲವು ಮೂಲಗಳು ತಿಳಿಸಿವೆ.

ಚಿತ್ರದ ಬಿಡುಗಡೆಗೆ ಅನುಮೋದನೆ ನೀಡಲು ನಿರಾಕರಿಸಿದ್ದೇಕೆಂಬ ಬಗ್ಗೆ ಸೆನ್ಸಾರ್ ಮಂಡಳಿಯ ಮುಖ್ಯ ಎಕ್ಸಿಕ್ಯೂಟೀವ್ ಶ್ರವಣ್ ಕುಮಾರ್ ಯಾವುದೇ ಕಾರಣ ನೀಡಿಲ್ಲ. ಕಾಮೋದ್ರೇಕದ ದೃಶ್ಯಗಳ ಈ ಚಿತ್ರ ಅತ್ಯಂತ ಎರೋಟಿಕ್  ಎನಿಸಿಕೊಂಡಿದೆ. 

ಚಿತ್ರದಲ್ಲಿ ಎಲ್ಲಾ ನಗ್ನ ದೃಶ್ಯಗಳನ್ನು ತೆಗೆದುಹಾಕಿದ್ದರೂ ನಿಷೇಧ ವಿಧಿಸಲಾಗಿದೆ ಎಂದು ಯೂನಿವರ್ಸಲ್ ಪಿಕ್ಟರ್ಸ್ ಮೂಲ ತಿಳಿಸಿದೆ. ಇಂಡೋನೇಶಿಯಾ, ಮಲೇಶಿಯಾ ಮ ತ್ತು ಕೀನ್ಯಾದಲ್ಲಿ ಕೂಡ ಈ ಚಿತ್ರಕ್ಕೆ ನಿಷೇಧ ವಿಧಿಸಲಾಗಿದೆ.

ಪ್ರಧಾನಿ ಮೋದಿ ನೇತೃತ್ವದಲ್ಲಿ ಮರುರಚನೆ ಮಾಡಲಾದ ಸೆನ್ಸಾರ್ ಮಂಡಳಿ ಚಿತ್ರದಲ್ಲಿ ತೋರಿಸಬಾರದ ಕೆಲವು ಆಕ್ಷೇಪಾರ್ಹ ಪದಗಳ ಪಟ್ಟಿಯನ್ನು ಬಿಡುಗಡೆ ಮಾಡಿತ್ತು. ಸಾರ್ವಜನಿಕ ವಿರೋಧ ಕೇಳಿಬಂದ ಬಳಿಕ ಈ ಪಟ್ಟಿಯನ್ನು ಮಂಡಳಿ ತಡೆಹಿಡಿದಿತ್ತು.