ಜಪಾನ್ ಸಂತ್ರಸ್ಥರಿಗೆ ಚಾರ್ಲಿ ಶೀನ್ ನೆರವು

ಹಾಲಿವುಡ್ ನಟ ಚಾರ್ಲಿ ಶೀನ್ ಅವರು ಜಪಾನ್ ಸಂತ್ರಸ್ಥರಿಗೆ ನೆರವಾಗಲು ನಿರ್ಧರಿಸಿದ್ದಾರೆ. ತನ್ನ ನೇರ ಸ್ಟೇಜ್ ಕಾರ್ಯಕ್ರಮದ ಪ್ರತೀ ಟಿಕೆಟ್‌ನಲ್ಲಿ ಒಂದು ಡಾಲರ್ ಅನ್ನು ಭೂಕಂಪ ಮತ್ತು ಸುನಾಮಿ ಸಂತ್ರಸ್ಥರ ನೆರವಿಗೆ ಕೊಡುವುದಾಗಿ ಅವರು ತಿಳಿಸಿದ್ದಾರೆ.

ಮಾರ್ಚ್ ಹನ್ನೊಂದರಂದು ನಡೆದ ಭೀಕರ ಭೂಕಂಪ, ಸುನಾಮಿಯಿಂದ ತತ್ತರಿಸಿ ಹೋಗಿರುವ ಜಪಾನಿಯರ ನೆರವಿಗೆ ಅಲ್ಲಿನ ರೆಡ್‌ಕ್ರಾಸ್ ಸಂಸ್ಥೆ ಅವಿರತ ಪ್ರಯತ್ನ ನಡೆಸುತ್ತಿದೆ.

ತನ್ನ ಕಾರ್ಯಕ್ರಮದ ಪ್ರತೀ ಟಿಕೆಟ್‌ನಲ್ಲಿ ಒಂದು ಡಾಲರ್ ಅನ್ನು ಸಂತ್ರಸ್ಥರ ನೆರವಿಗೆ ಬಳಸುವ ನಿಟ್ಟಿನಲ್ಲಿ ಜಪಾನಿ ರೆಡ್‌ಕ್ರಾಸ್ ಸಂಸ್ಥೆಗೆ ನೀಡುವುದಾಗಿ ತನ್ನ ವೆಬ್‌‌ಸೈಟ್‌ನಲ್ಲಿ ಪ್ರಕಟಿಸಿದ್ದಾರೆ.

ಜಪಾನಿನಲ್ಲಾದ ವಿನಾಶ, ನೋವು ಅವರನ್ನು ಅತೀಯಾಗಿ ಪ್ರೀತಿಸಲು ನಮ್ಮಲ್ಲಿ ಒತ್ತಡ ಹೇರಿದೆ ಎಂದು ಚಾರ್ಲಿ ಶೀನ್ ಟ್ವಿಟ್ಟರ್‌ನಲ್ಲಿ ಹೇಳಿಕೊಂಡಿದ್ದಾರೆ.