ಲಂಡನ್:ಇಲ್ಲೊಬ್ಬ ವ್ಯಕ್ತಿ 2 ವರ್ಷದ ಮಗುವನ್ನು ಎತ್ತರವಾದ ಮಹಡಿಯಿಂದ ಕೆಳಗೆ ತಳ್ಳುವ ಪೋಸ್ ನೀಡಿ ಫೇಸ್ ಬುಕ್ ಗೆ ಅಪ್ ಲೋಡ್ ಮಾಡಿದ್ದಾನೆ. ಸಾಲದ್ದಕ್ಕೆ 1000 ಲೈಕ್ ಗಳು ಬಾರದಿದ್ದಲ್ಲಿ ಈ ಮಗುವನ್ನು ಕಟ್ಟಡದ 15ನೇ ಮಹಡಿಯಿಂದ ತಳ್ಳುವುದಾಗಿ ಬೇರೆ ಬೆದರಿಕೆ ಹಾಕಿದ್ದಾನೆ ಭೂಪ.
ಕಟ್ಟಡದ 15ನೇ ಮಹಡಿಗೆ ಮಗುವನ್ನು ಎತ್ತಿಕೊಂದು ಹೋದ ವ್ಯಕ್ತಿ ಅದರ ಟೀಶರ್ಟ್‌ನ ಕಾಲರ್‌ ಹಿಡಿದು, ಕೆಳಗೆ ಎಸೆಯುವ ಸ್ಥಿತಿಯಲ್ಲಿ ಫೋಟೋ ತೆಗೆದಿದ್ದಾನೆ. ನಂತರ ಆ ಫೋಟೋವನ್ನು ಫೇಸ್‌ಬುಕ್‌ಗೆ ಹಾಕಿ, "ಸಾವಿರ ಲೈಕ್‌ಗಳು ಬಾರದಿದ್ದರೆ ಮಗುವನ್ನು ಇಲ್ಲಿಂದ ಬಿಟ್ಟುಬಿಡುತ್ತೇನೆ,' ಎಂದು ಸಂದೇಶ ಕಳಿಸಿ ಫೇಸ್ ಬುಕ್ ನಲ್ಲಿ ತನ್ನ ಹುಚ್ಚಾಟ ಪ್ರದರ್ಶಿಸಿದ್ದಾನೆ. ತಕ್ಷಣ ಎಚ್ಚೆತ್ತ ಫೇಸ್ ಬುಕ್ ಬಳಕೆದಾರರು, ಈ ಬಗ್ಗೆ ಲಂಡನ್ ಪೊಲೀಸರಿಗೆ ದೂರು ನೀಡಿದ್ದಾರೆ.
ಕೂಡಲೇ ವ್ಯಕ್ತಿಯ ಸ್ಥಳ ಪತ್ತೆ ಹಚ್ಚಿದ ಪೊಲೀಸರು ಆತನನ್ನು ಬಂಧಿಸಿದ್ದು, ನ್ಯಾಯಾಲಯ ಆತನಿಗೆ 2 ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ.